وەزارەتی پەروەردە لەبارەی تاقیكردنەوە گشتییەكان ئاگاداریەك بڵاودەكاتەوە

وەزارەتی پەروەردە لەبارەی تاقیكردنەوە گشتییەكان ئاگاداریەك بڵاودەكاتەوە

زاری كرمانجی: لەئاگاداركردنەوەیەكدا وەزارەتی پەروەرە، لەبارەی دەستپێكردنی تاقیكرنەوە گشتییەكانی 9ی بنەڕەتی پۆلی 12ی ئامادەیی ئاگادارییەك بڵاو دەكاتەوەو هۆشداری دەدات.
بەپێی نووسراوێكی فەرمی وەزارەتی پەروەردەی حكوومەتی هەرێمی كوردستان، كە ئاراستەی بەڕێوەبەرایەتی گشتی پەروەردەكان كراوە و تێیدا ئەوە خراوەتەروو " لە رێكەوتی 26/5/2019 تاقیكرنەوە گشتییەكانی 9ی بنەڕەتی پۆلی 12ی ئامادەیی دەست پێدەكات، لەبەر باری دەروونی و ئەو دۆخە هەستیارەی كە قوتابیان و خوێندكارانی خۆشەویست لەم كاتەدا پێیدا تێدەپەڕن، سەرجەم مامۆستا و بەڕێوەبەر و سەرپەرشتیاران ئاگادار دەكەینەوە، كە هەركەسێك سەرنج و تێبینیەكی لەپرۆسكەی تاقیكردنەوەكان هەبێت، دەبێت لەڕێگەی ناوەندی كارگێڕییەوە سەرووی خۆیانەوە بەرزی بكەنەوە، بەهیچ شێوەیەك نابێت لە تۆڕە كۆمەڵایەتییەكان و ڕاگەیاندن بڵاو بكەنەوە یان قسەی لەسەر بكەن".
لە ئاگاداریەكەی وەزارەتی پەروەردە ئاماژەش بەوەكراوە، هەركەس پابەند نەبێت بەو بڕیارە رێكاری یاسایی و كارگێڕیان بەرامبەریان دەگرێتەبەر.

زۆرترین بینراو