" هالاند توانایەكی بێ وێنەی هەیە "

" هالاند توانایەكی بێ وێنەی هەیە "

زاری كرمانجی- ئاژانسییە هەواڵییە وەرزشییەكان: لەتازەترین چاوپێكەوتنی رۆژنامەوانیدا، رۆبێرت لیڤاندۆسكی باشترین 5 هێرشبەری سەرەڕمی لەسەر ئاستی جیهان دیاری كرد و لە هەمان كاتیشدا ستایشی (هالاند)ی كرد.
لیڤاندۆسكی، گۆڵكاری یانەی بایەڕن میونخی ئەڵمانی لە وەڵامی پرسیارێك سەبارەت بە باشترین پێنج هێرشبەری سەرەڕمی جیهان رایگەیاند كە هەرەیەكە لە (كەریم بن زیمە) هێرشبەری ریال مەدریدو (لویس سوارێز) لە بەرشەلۆنەو (تیمۆ ڤێرنەر) گۆڵكاری لایبزیگ و (سێرجیۆ وئەگوێرۆ) ئەستێرەی مانچێستەر سیتی و (كیلیان مباپی) باشترین هێرشبەری جیهانن، لە هەمان كاتدا لیڤا ستایشی (ئیرلینك هالاند)ی گۆڵكاری دۆڕتمۆندی كردو گووتی" ئەو جارێ تەمەنی بچووكە و كاتێكی باشی لەبەردەم ماوە بۆ ئەوەی زیاتر خۆی بەرەوپێش ببات و بێتە ریزی باشترینەكان".
هەروەها گووتیشی" ئەو دەتوانێت لە ماوەی داهاتوو بێتە نێو لیستی باشترین هێرشبەرانی جیهان چونكە توانایەكی بێ وێنەی هەیە".
جێی ئاماژەپێكردنە، لیڤاندۆسكی لە بژاردەكانی خۆی ناوی لیۆنێل مێسی و كریستیانۆ رۆناڵدۆ و نێیماری دوور خستۆتەوە، هۆكارەكەش ئەوەیە ئەوان زیاتر لە باڵەكان یاری دەكەن و بە دەگمەن وەك هێرشبەری كلاسیكی دەبینرێن.

زۆرترین بینراو