بەهۆی نەبوونی كات بۆ مەشق، ئەمجارە نەمتوانی ئەنجامێكی باش بەدەستبهێنم

 بەهۆی نەبوونی كات بۆ مەشق، ئەمجارە نەمتوانی ئەنجامێكی باش بەدەستبهێنم

جەلال سەعید

گەنجێكی كوردی هەرێمی كوردستان بەردەوام بەشداری لە پێشبڕكێیەكانی پایسكیلسواری لە وڵاتی ئێتاڵیا دەكات.
خسرۆ عەبدولحەمید خەلكی هەرێمی كوردستان لە شارچكەی پیرمام لە دایكبووە و ئێستاكە لە وەڵاتی ئیتاڵیا ژیان بەسەر دەبات.
وەرزشكارێكی لێهاتوو و ئاستبەرزە لە پشبڕكێیەكانی پایسكیلسواری و هەمیشە بەشداری و رولی لە پێشبڕكێییەكانی نێودەوڵەتی هەیە بە تایبەت ئەو پێشبڕكێ و پاڵەوانیەتیانەی لە وەڵاتی ئێتاڵیا ئەنجام دەرێن.
خاوەن كۆمەڵێك نازناو و مەدالیا و خەناوكەی سەركەوتووی پێشبركێیەكانە، لە دواین بەشداری لە پاڵەوانیەتی پشبڕكێی پایسكیلسواری كە لە وڵاتی ئیتاڵیا بە بەشداری 512 پایسكیلسواری وڵاتی ئیتاڵیا وئەڵمانیاو نەمساو چەند وڵاتێكی دیكەی ئەوروپا بەرێوە چوو.
خسرۆ عەبدولحەمید لە لێدوانێكی تایبەت بە زاری كرمانجی سەبارەت بە بەشداری پاڵەوانیەتیەكە گووتی:
لە هەفتەی رابردوو بەشداریی جەولەی یەكەمی پاڵەوانێتیی پاسكیلسواریی (Giro Dolomiti - Ritten RENON)ی نێودەوڵەتیم كرد، كە پێشبڕكێیەكی ساڵانەیەو شاری (Bolzano BOZEN)ی باكووری ئیتاڵیا لەخۆی دەگرێت .
پێشبڕكێكە بەبەشداریی نزیكەی (512) پاسكیلسوار بەڕێوەچوو، كە لەوڵاتانی (ئیتاڵیا، ئەڵمانیا، نەمسا و چەند وڵاتێكی دیكەی ئەوروپیەوە هاتبوون.
ئەم جەولەیە، كە ماوەكەی (50كم) بوو و لەزنجیرە چیاكانی (Bolzano _ Merano) بەڕێوەچوو، ڕۆژی یەكەمی پاڵەوانێتییەكی (٦) جەولەییە و ڕۆژانی (دووشەممە، 22-7 شەممە27-7) ئەنجامدەدرێن، درێژایی پاڵەوانێتییەكەش (650كم)ە.
ئەگەرچی، بەهۆی گەشتەكەی (لە باشوورەوە بە باكوور)و نەبوونی كات بۆ مەشق، نەمتوانی ئەنجامێكی دیار بەدەستبهێنم، بەڵام ئەمڕۆ بوو بە وانەیەكی بەسوود بۆم، لەبەرئەوەی لەڕێیەوە ئاشنابووم بە سروشتی تۆپۆگرافیی ناوچەكە و تایبەتمەندیی شوێنی پاڵەوانێتییەكە. ئەمەش ئەزموونێكی ئەرێنیی باش و دەستكەوتێكی گەورە بوو بۆ من.
پایسكلسواری كورد خسرۆ عبدلحمید خەلكی باشوری كوردستان و پێشتریش بەشداری چەندین پاڵەوانیەتی دیكەی كردووە و ئەنجامی باشی بەدەستهێناوە.

زۆرترین بینراو