ئاستێ خواندنا بالا ل ئاست تموحێن مەدا نینە

ئاستێ خواندنا بالا ل ئاست تموحێن مەدا نینە

گولستان باقی نهێلی لەسەر لیستا پارتی و ئەنداما لژنا پەروەردێ‌ و خواندنا بلند و لێكۆلینێ‌ زانستی ل پەرلەمانا كوردستانێ‌ لە هەڤپەیڤینەكا تایبەتدا دگەل هەفتەناما زاری كرمانجی، بالێ‌ دكشینیتە سەر وێ ئێكێ‌ كو ئەگەر میزانیا حكومەتێ تێرا هندێ كر وی دەمی دێ بریارێ لسەر دەرمالێ قوتابییا دەدەن، هەروەسا دبێژیت" هەبوونا ژمارەكا زور یا قوتابخانا و باخچە و زانكویێن ئەهلی یا پێدڤی نینە، چونكی بەشەكێ زور ژوان كواڵیتیا وان یا باش نینە.
هەڤپەیڤین : محەممەد مەحموود
*كارێ سەرەكیێ لژنا پەروەردێ و خواندنا بلند لە وەرزێ نیدا دێ چ دبیت ؟
- د وەرزێ نیدا مە ل بەرە هەمواركرنا یاسایا زانكویێن ئەهلی، هەروەسا دەرمالێ قوتابییا ئەوژی پشتی پروژا چاكسازیێ، ئەگەر میزانیا حكومەتێ تێرا هندێ كر وی دەمی دێ بریارێ لسەر دەرمالێ قوتابییا دەین، لێ چ یاسایێن تاز نینە چونكی وەزارەتێن مە یاسایێن تایبەت ب خو هەنە و لدیف دچن، لێ دمینیت هندەك بریار دەركەڤن لسەر وان رێنمایێن كو لیژنە دانیتە بەرسینگێ وەزارەتێ و هندەكێن دی ئەو بخو دەردكەن كو دبەرژەوەندیا قوتابیادا بن.
*هەوە وەك لژنە كارینە ئەركێ‌ سەر ملێ‌ خۆ بجهبینن؟
- هەر كەسەكی قەستا لژنا مە كر بیت، ئەم دگەل رینشتینە و مە گوهداریا كێشە و گرفتێن وان كرینە و مەكرینە نڤیسار و پێشكەشی لایەنێن شۆلەژی كرینە و لدیف شیان مە شیایە ئەركێ خو بج بینین.
* بۆ كێمكرنا كرێیا خیندنێ هەوە چ كار كریە؟
- وەك لژنا پەروەردێ و خواندنا بالا هەمی ئەندامێن لژنێ رازیبوونە كو كرێیا خیندنی ل زانكو و پەیمانگەهێن ئەهلی بهێتە كێمكرن.
*هەبوونا ژمارەكا زور یا قوتابخانا و باخچە و زانینگەهێن ئەهلی پێدڤیە؟
- هەبوونا ژمارەكا زور یا قوتابخاناو و باخچە و زانكویێن ئەهلی دهەمی دەماندا یا پێدڤی نینە، چونكی بەشەكێ زور ژوان كوالێتیا وان یا باش نینە،ئەگەر هەبن ژی دڤێت كوالێتیا وان یا باش بیت بۆ وێ ئێكێ‌ قوتابی بشێن مفایەكێ باش ژێ ببینن و ئاستێ زانستی باشتر لێ بێت، لێ ب دیتنا من ئەگەر گرنگییەكا زێدەتر ب یێن حكومی بێتە دان دێ هێشتا باشتر بیت.
*بۆ وان قوتابیین كو پلا ئێكێ‌ و دوویێ و سێیێ‌ بەدست دینن هەوە چ كریە؟
- هەردەم دگەل هندێ داینە كو ئاستێ زانستی ل هەمی زانكو و پەیمانگەها باشتر لێ بێت، ب نێرینا من دامەزراندنا ڤان قوتابییا پێنگاڤەكا زۆر باشە و دێ شێن خوە ئامادەكەن كو بخینن و ئەو زانیاریێن كو هەنە بخەنە بەردەم پروسا خواندنێ ل ڤی وەڵاتی، چونكی هەمی ئەون یێن بووینە ئێكەم و دووەم و سێیەم ژ قوتابیێن هەرە باشن، ئەم پشتەڤانیێ لێ دكەین، دوو جا مە نڤیسار بو كرینە و هنارتینە جهێن شۆلەژی.
*دەرماڵێ‌ قوتابییا چ بسەر هات؟
- مە وەك لژنە هەولەك جددی دایە بو هندێ دەرمالێ قوتابییا ڤەگەڕینەڤە چونكی پتریا وان قوتابییا یێن ل زانكو و پەیمانگەهێن جودا جودا دخینن بارێ وان یێ ئابووری یێ لاوازە ئەڤ برا پارەی دێ پیچەك بارێ خێزانێن وان سڤك تر لێكەت.
*بو مامۆستایێن گرێبەست هەوە چ كریە؟
-وەكو لژنە دگەل نوینەرێن ماموستایێن گرێبەست روونشتینە و مە نڤیسار بو كرینە و بو لایەنێن پەیوەندیدار هنارتینە و دهەولێن جددی داینە كو ببنە هەمیشەیی چونكی پتریا وان ماموستایان هاتن و چوونێ دكەن و خێزاندارن نەشێن وەكی پێدڤی پێدڤیێن ژیانا خوە دابین بكەن ل بەر هندێ دێ هاریكار بین دا هەم بشێن ژیانا خوە باشتر بكەن، هەم دا پتر هەول بدەن بو بلندكرنا ئاستێ زانستی یێ قوتابیا، ئەز د وێ باوەڕێ دامە دێ ل ڤان نێزیكا حكومەت بریارێ لسەر دەت.
*دەما ئەنجامێن قوتابییا ل خولا ئێكێ هاتینە راگەهاندن گەلەك گلە و گازندە هەبوون شیان بەرسڤەكا دروست بدەنە وان؟
- دەما ئەنجامێن قوتابییا هاتنە راگەهاندن یێن خولا ئێكێ گەلەك گلە و گازندە ژلایێ قوتابییا بو لژنێ هاتن و ئەو بخو هاتنە بەردەم پەرلەمانی و نەرازی بین ژ وان شاشیێن هاتینە كڕن، لێ مە پشتەڤانیا وان كر لسەر مافێ وان و مە بریار دا لیژنەكا لاوەكی پێك بینین و ژ پێنج ئەندامان پێك هات و مە سەرەدانا بنگەهێ كونترولا ئەزموونێن گشتی یێن قوتابخانێن ئامادەیی و بنەڕەتی كر و ‌ب هویری دیفچوونا وان گلەو گازندا هاتەكرن ژلایێ لیژنا لاوەكی ڤە و راپورتەكا تێرو تەسەل لسەر وێ سەرەدانێ هاتە ئامادەكرن و بو لایەنێن پەیوەندیدار و وەزارەتا پەروەردێ هاتە ئاراستەكرن و پشت بەستن ب وێ راپورتێ، بریار ژلایێ وەزارەتێ ڤە هاتە دەركرن و وەكی چارەسەریەك بو وان گرفت و ئاریشێن پەیدایووی هەر ئەڤ سەرەدانە و دیفچوونە بو ئەگەرێ هندێ كو د خولا دووێ دا ئەڤ شاشییە نەهێنە كرن.
*پەیوەندیاوە دگەل ئێكەتیا ماموستایا یا چەوایە؟
- هەتا نوكە مە چ كار دگەل ئێكەتیا ماموستایا نەكرینە چونكی ئەم ل دەستپێكێ داینە،ان شااللە ل داهاتیدا دێ كار لگەل یەك كەین.
*هەولێن هەوە بۆ وەرگرتنا قوتابییا لە پەیمانگە و زانینگەهێن حكومی چنە؟
-مە وەك لیژنە هەول داینە زورترین رێژە ل زانكو و پەیمانگەها بهێنە وەرگرتن ب خورایی و رێژا پارالێل بهێتە كێمكرن.
*ئاریشێن پێش خواندنێ‌ ب نەریناوە چنە؟
-هەتا مە بڤێت زاروك و نەوەیێن داهاتی دباشترین ئاست دابن بو خواندنێ و ببنە بنیاتەكێ ب هێز بو ڤی ولاتی دڤێت هەول بدەین ئەو گرفتێن دكەڤنە بەردەم ڤێ پروسێ ب جددی وەرگرین و كار لسەر بكەین ڤان گرفتا نەهێلین و ئەو گرفتێن دكەڤنە بەردەم پروسەیا خواندنێ كێمیا رێژا ماموستایێن پسپۆرە دوارێ (كێمیا میلاكی)و كێمیا قوتابخانا و ئاریشا چەند دەوامی زوربەیا ئاڤاهیێن قوتابخانا دكەڤنن.
*ئاستێ خواندنا بالا یا چاوایە؟
-ئاستێ خواندنا بالا ل ئاست تموحێن مەدا نینە، پێدڤیە گرنگیێ بدەنێ و هەمی هەولا بدەن بو هندێ پروسەیا خواندنێ ل هەمی پەیمانگە و زانینگەهێن كوردستانێ بەرەف باشتر ببەن".

زۆرترین بینراو