ئافرەت  و كوشتن

لەیلا عەبدوڵڵا شێخە

 

ئافرەت دروستكراوێكی سروشتیە هەموو ئەرك و پاراستنی مرۆڤی لەئەستۆدایە بەتایبەتی ئافرەتی كورد، بەبرسێتی  و نەهامەتیش بێت منداڵ و پیاو كەس و كاری خۆی لە ئامێز گرت و سۆز و بەهرەی خۆی بەسەریاندا داڕشت.
ئافرەت لەجیهاندا پیاوی وای  دروست كردیە بویتە پاڵپشت لۆبنیاتنان و بەردەوامی خۆی لەژیاندا و لەژێر هێزی تەبایی و یەكسانی. بەووردی لێبكۆڵەوە هەر ئافرەتە پیاوی وەك چەك بەكار هێنایە لۆ پارێزگاری خۆی و لەچاردەوری خۆی كۆیكردینەوە....


كەواتە ئافرەت دەبێ ڕێنیشاندەری پیاو بێت لۆ پێكهێنان و درستبوونی ژیان و یاساو دەستورێك نەخۆی بكەوتە ژێر تەوژمی وجدان و نە پیاویش بێبەش بكات لە ژیان. پیاوی كورد ژیانی نیە تەنها كاركردن و چاودێری و پەیداكردنی پێداویستیەكانی خێزانە. ئافرتی ئەو سەردەمە ئەگەر پیاو ناكوژن، دروستیشیان ناكەن. دروست بوونەكە تەنها لۆ ئەوكاتەیە تا پێداویستیەكانی تەواو دەبێ لەژیان دوایی پشتی لێدەكات و بەهەنجەتی دڵشكاندن و هەڵنەگرتنی نازو ناڕازی ئارەزوەكانی  ژوروخوانی لێجیا دەكاتەوە.

 ئەگەر پیاو وا پەروەردە بكات  هەر لەسەرتاوە بهێلی خۆی بێت و فێری بكات لەگەڵ وجدان هاورێ بێت  كۆت و بەندی نەكات بە یاساو بەرپرسیارێتی خۆی ، من دڵنیام  ئەویش وەك ئافرەت زیاتر راگری خێزان و ئەركی پەروەردە وەردەگرێت، هەندە چاو ناگێڕی و خۆی بەستەمكار بەسەر ئافرەت  و بەسەرخۆی دروست ناكات. زۆرینەی پیاوی ئێستا  هەرچاو دەگێڕی وەك برێی هێشتا ئافرەتی نەدیتبێ.
بەداخەوە كلتووری ئافرەتی كورد شێواندراو ئافرەت نەیتوانی ڕوو لەوجدان بكات و چاوی لە پەروەردەی پیاو پۆشی تاوای لێهات ئێستا هەم خۆی وونكردوو هەم ئەو مرۆڤەی كە دەبوایە بەیەكەوە تا ئێستا لە ووڵات  و خاك  و كاری خۆیان بن نەك بەدوان بارهەڵگری كلتووری گەڵان و چەوساوەییان سەرتاپای ئەقل و هۆشیانی پێوە دیارە. هەردوكیان ترس  و دڵەڕاوكێ و داهاتێكی قێزەوەن لەبەر چاو دەگرن، ئەوەش بوویتە هۆی سەرلێشێوان و خەریكە ببێتە لەدەستدانی میللەتی كورد. نەپیاو ژن بەڕاست دەزانی و نە ژنیش لە سایەی لاسایی و پۆتۆكس و فیلەر و سلیكۆن و زێڕو ئەلماس و ڤیلاو دۆلار لەلای پیاو مرۆڤە.


پیاوی ئێستا پارەی زۆر خەرج دەكات لە ئافرەتێك بەڵام چێژی لەبینینی ئافرەتەكانی سەر جادەو شاشەكان و تۆڕەكۆمەڵایەتییەكاندا زیاتر دەبینی، ئەگەر بەژنەكانیان برێن لۆ پیاوت ئەوهایە وەڵامی ئەوەیە كە دەڵێ پیاو ئەوهایە. كەواتە نە ژنی دروست و نە پیاوی دروست بەچ مافێك ووڵات كۆیان بكاتەوە.


هەموو چاو كەتیتە سەر گەنج  و چاوەڕێن گەنجی بەستە زمان لەنێوان ئەو جۆرە ژن و پیاوانە خۆیان و ووڵات بەڕێوە ببەن. جامنەتیش دەكرێتە سەریان دەرێن ئێمە ژیانمان لەپێناوتان لەدەستدا. بكوژی میللەت گەڵان نین. بكوژی میللەت . بازرگانەكان نین. بكوژی میللەت سەقەتی پەروەردە و ئاراستە كردنە.

بابەتى پەیوەندیدار بیروڕا

زۆرترین بینراو