ئالان حەمە سەعید :  پێشنیاری ئێمە ئەوەیە وادەی كردنەوەی دەرگای قوتابخانەكان پێش بخرێت

ئالان حەمە سەعید : پێشنیاری ئێمە ئەوەیە وادەی كردنەوەی دەرگای قوتابخانەكان پێش بخرێت

زاری كرمانجی: ئەمڕۆ لەشاری سلێمانی لەكۆنگرەیەكی رۆژنامەوانیدا ، ئالان حەمە سەعید، وەزیری پەروەردەی حكومەتی هەرێمی كورستان قسەی لەسەر چەند بابەتێكی پەیوەست بە خوێندن و چۆنیەتی كردنەوەی دەرگای قوتابخانەكان بۆتەواوی قۆناغەكانی خوێندن كرد. لەسەرەتای قسەكانی وەزیری پەروەردە

گووتی " ئێمە لە رێكەوتی 2-2 كۆبوونەوەی لیژنەی باڵای رووبەروبوونەوەی كۆرۆنامان هەیە، لەوێوە بڕیار دەدرێت كە ئاخۆ كەی بەتەواوی گشت قوتابییان بچنەوە پۆلەكان، دیدگای وەزارەتمان بۆناو ئەو كۆبوونەوەیە ئامادە كردووە، لەگەڵ بەڕێوەبەرە گشتییەكانی پەروەردە كۆبووینەتەوە پێمان گووتن سەرنجەكانی خۆیان بدەن بە ئێمە بۆئەوەی لە كۆبوونەوەی لیژنەی باڵای رووبەروبوونەوەی كۆرۆنا بیان خەینە روو.

لەبەشێكی تری قسەكانی وەزیری پەروەردە گووتی" ئامارەكان تائێستا باشن، ئەگەر دۆخەكە بەم جۆرە بەردەوام بێت، پێشنیاری ئێمە ئەوەیە و هەموولایەك پێیان باشە وادەی كردنەوەی دەرگای قوتابخانەكان پێش بخرێت، بەڵام ئەوە رێنمایی وەزارەتی تەندروستی و لیژنەی باڵای كۆرۆنایە، روئیای ئێمە وەك وەزارەت ئەوەیە هەموو لایەك پێیان باشە پڕۆسەی خوێندن بەتەواوەتی پێش 1-3 دەستپێبكاتەوە، چۆنیەتی دەستپێكردنەوەكەش بە پێی رێنمایی تەندروستی دەبێت و بە پێی ئەوساڵنامەی خوێندنەی كە دامناوە، خوێندن لەهەردوو وەرز دەخوێندرێت بەسوود وەرگرتن لە پشووەكان، جگە لە 3 رۆژی جەژنی نەورۆز و جەژنی رەمەزان.

ئالان حەمە سەعید، گووتیشی" هیچ بڕیارێك لەسەر كاتەكان نەدراوە، دەمانەوێت بژێوی ژیانی مامۆستایان باشتر بكەین، بەڵام دۆخێكی ئابووریی سەختمان هەیە.

 

زۆرترین بینراو