ئاماری دەست بەسەر داگرتن و دەستگیركراوانی ماددەی هۆشبەر بڵاوكرایەوە

ئاماری دەست بەسەر داگرتن و دەستگیركراوانی ماددەی هۆشبەر بڵاوكرایەوە

 

بەپێی راگەیاندراوێكی بنكەی نەهێشتی ماددە هۆشبەرەكانی سۆران، تەنها لەماوەی دە رۆژدا چەندین كەس بەهۆی ئاڵودەبوون و بەكارهێنەرانی ماددەی هۆشبەر دەستگیركراون و دەستیش بەسەر برێك ماددەی هۆشبەر داگیراوە.
لە راگەیاندراوەكەی بنكەی نەهێشتنی ماددەهۆشبەرەكانی سۆران ئەوە ئاشكرا كراوە " تەنها لەماوەی 10 رۆژدا واتە لە (24-8 تاكو 3-9-2019)وە لەلایەن هێزەكانی بنكەی نەهێشتنی ماددەهۆشبەرەكانی سـۆران، تواندراوە بڕی (43) گرام ماددەی هۆشبەر لە جۆری هێرۆین، (215) گرام ماددەی هۆشبەر لە جۆری تریاك، زیاتر لە (5) گرام لەماددەی شیشە، لەگەڵ (1) گرام ماددەی هۆشبەر لە جۆری حەشیش دەستی بەسەردا بگیرێت، چەند تۆمەتبارێكیش بەهۆیەوە دەستگیر كراون".
ئاماژەش بەوە كراوە " ئەوانەی بەهۆی ئاڵودەبوون و بازرگانیكردن و بڵاوكردنەوەی ماددەی هۆشبەر لە ناو هەرێمی كوردستان دەستگیر كراون، ژمارەیان (15) تۆمەتبارەو دانیان بە تاوەنەكانیان ناوەو بەپێی ماددەی (14) لە یاسایی نەهێشتنی ماددەهۆشبەرەكان، پەڕاوی لێكۆڵینەوەیان بۆ رێكخراوەو رەوانەی بەردەم دادگا كراون و لێكۆڵینەوەكان بەردەوامە".

زۆرترین بینراو