ئاگاداریەك بۆ هاووڵاتییانی سنووری پارێزگای هەولێر... خەڵكی سنووری قەزاكانی سۆرانیش دەگرێتەوە

ئاگاداریەك بۆ هاووڵاتییانی سنووری پارێزگای هەولێر... خەڵكی سنووری قەزاكانی سۆرانیش دەگرێتەوە

بەڕێوەبەرایەتی گشتی تەندروستی ھەولێر، هاووڵاتییانی سنووری پارێزگای هەولێر ئاگادار دەكاتەوە ئەوانەی لە 15ی شوباتەوە لە دەرەوەی وڵات ھاتوونەتەوە ھەرێمی كوردستان، سبەی 1/4/2020 سەردانی بنكە تەندروستییەكان بكەن.

دەقی راگەیەندراوی بەڕێوەبەرایەتی تەندروستی ھەولێر:.

لەبەر بەرژەوەندی گشتی و پاراستنی تەندروستی هاووڵاتیان و کۆنترۆڵکردنی بڵاوبوونەوە و تووشبوون بە نەخۆشی ڤایرۆسی کۆرۆنا، سەرجەم ئەو هاووڵاتییانەی کە لە رێکەوتی 15/2/2020 لە دەرەوەی وڵات هاتوونەتەوە ناو کوردستان لە سنووری پارێزگای هەولێر، بۆ ئەنجامدانی پشکنینی دڵنیابوون لە نەخۆشی ڤایرۆسی کۆرۆنا (COVID-19)لە رێکەوتی 1/4/2020 کاتژمێر (9)ی بەیانی تاکو کاتژمێر (12)ی نیوەڕۆ، بەڵگەنامەی سەفەر (پاسپۆرت) لەگەڵ خۆیان بهێنن و سەردانی یەکێک لەم بنکە تەندروستییانەی خوارەوە بکەن.

ناو شار:

ـ بنکەی تەندروستی برایەتی خێزانی

ـ کورانی عنکاوە

ـ بنکەی تەندروستی شەهیدان

ـ بنکەی تەندروستی ملا فەندی

ـ بنکەی تەندروستی کوردستان

ـ سەنتەری شادی خێزانی

دەرەوەی شار:

ـ بنکەی تەندروستی ڕاژان

ـ بنکەی تەندروستی سارێژ

ـ نەخۆشخانەی گشتی شەقڵاوە

ـ نەخۆشخانەی گشتی بلێ

ـ سەنتەری چارەسەری کۆڕۆنا لە سۆران (بنکەی چارە)

تێبینی:

تەنها ئەو هاووڵاتییانە سەردان بکەن کە پشکنینیان بۆ ئەنجام دەدرێت

ئەو هاووڵاتییانەی کە کوارەنتین (Quarantine) کراون یاخود پشکنینیان بۆ کراوە نایانگرێتەوە.

زۆرترین بینراو