ئاگرەكەی چیایی زۆسك كۆنتڕۆڵكرا

ئاگرەكەی چیایی زۆسك كۆنتڕۆڵكرا

زاری كرمانجی-سۆران: ئێوارەی دوێنێ‌ ئاگرێكی گەورە لە چیایی زۆسك كەوتەوەو بەرگری شارستانی سۆران بە هاوكاری بنكەكانی ده‌وروبه‌رو هاووڵاتییانی ناوچەكە توانرا كۆنتڕۆل بكرێت.
عەمید عیماد كەنعان، بەڕێوەبەری بەرگری شارستانی سۆران، بە زاری كرمانجی راگەیاند " ئێوارەی دوێنێ‌ شەممە لەلایەن هاووڵاتیانی گوندی بەرزێوە ئاگاداركراینەوە بەبوونی ئاگرێك لەچیای زۆسك، دەست بەجێ‌ بنكەكانی بەرگری شارستانی (سۆران، رواندز، دیانا، مەزنێ، خەلیفان) گەیشتنە شوێنی رووداوەكەو بە هاوكاری هاووڵاتییانی ناوچەكە بۆ چەند كاتژمێرێك توانرا تا شەو ئاگرەكە كۆنتڕۆل بكرێت".
گووتیشی " جێگای دەست خۆشیە بۆ خەڵكی گوندی بەرزێوە كە بەهاوكاری ئەوان، لەگەڵ كارمەندانمان نزیكەی سەت كەس بوون لە كۆۆنترۆل كردنی ئاگرەكە، هەرچەندە زیانی گیانی نەبووە، بەڵام بەداخەوە لەم رووداوە نزیكەی 150 دۆنم پوش و پاوان سووتاوە.

زۆرترین بینراو