ئەگەر لە هەولێر رووی دابا چی دەقەوما

پشتیوان كەریم

 


دوێنی لە شاری سلێمانی هێرش كرایە سەر پەرلەمانتارێكی عێراقی كە ماڵی لە سلێمانییە، هەر لەو زۆنەشەوە، ماوەیەك بەر لە ئێستا چەندین كەسی دیكە لە خۆپیشاندانەكان شەهید و بریندار كران، هەر لەو شارە رۆشنبیرییە كوری بەرپرسێكی سیاسی پەلاماری ئەفسەرێك دەدا و تێر شەق دەكات و دواتریش دەیداتە بەر گوللە، هەر لەو شارە ئەوەی كارمەندی باج، كاربا، ئاو یا رووسوماتی دیكەیە وەرگرتنی پارەیە لە هاووڵاتییان بن ناوێرن روو لە ماڵ و كۆمپانای بەرپرسە مافیا ئاساكان بكەن، چونكە تێر شەق دەكرێن و بە سووكایەتییەكی زۆرەوە بە دەست بەتاڵی بەرێ دەكرێن.
رێگری لە پەرلەمانتاران دەكرێت كە نەچنە ئەو شارە، سنوورەكانی ئەو زۆرنە بە مەڵبەندی كاری قاچاخ ناوبانگیان دەركردووە، هەر لە بواری رۆشنبیرییەكەی سەدان ملیۆن دینار لە پارەی خەرج كراو بۆ شاری پایتەختی رۆشنبیری وون بووە، لە بازگە چەند كەسێك پەلاماری فەرمانبەری بازگە دەكەن و دەیاندەنە بەرچەقۆ و گوولە و دیانكوژن و برینداریان دەكەن. كۆمەڵێك بابەتی دیكە زەق كراو كە چەندی لەسەر بنووسرێ هەر كمە لەو شارە هەن، مەبەستیشم ئەوە نییە بڵێم ئەو دیاردانە لە زۆنی زەرد بوونی نییە، بەڵی هەیە، زۆر بەزەقیش هەیە، بەڵام پرسیارێك كە هەمیشە لە مێشكی خەڵك و خوێنەران كۆدەبێتەوە ئەوەیە بۆچی قەڵەم بەدەستانی زۆنی سەوز لە كەمینین بۆ رووداوێكی زۆنی زەرد و مێش دەكەن بە گامێش، لەگەڵ هەر بابەتێك ئیتر مەكەینەی نووسینەكەیان دەخەنە كار و ئەوەی پێیان بووترێت لە تەشهیر و ناوزرادن و تەحلیلی سیاسی و گرێ دانی رووداوێكی هاتووچۆ بە دۆخی سیاسی قووسووری ناكەن، بەڵام پەرلەمانتارێكی عێراقی و ئەفسەرێك دەدرێتەبەر شەق وەك رووداوێكی زۆر ئاسایی سەیر دەكرێت، كمتر قسەی لەسەر دەكەن.
ئەم دوو فاقییە جگە لە نانەوەی دووبەرەكی و فەرز كردنی لایەنێك بەسەر ئەوی دیكە هیچ مانایەكی دیكە نییە و خزمەت بە كەس ناگەینێت، بەڵكو وای بۆ دەچم كە هەنگاوێك بێت بۆ دوور خستنەوەی زۆنی سەوز و زەرد لە یەكتری و دروست كردن رق لە نێوان دانیشتوانی ئەم زۆنە، كە دواجار خزمەت بە ویستی ناحەزانی كوردستان دەكات.
بۆیە پێموایە ئەگەر چاكسازی پێویستییەكی گرنگ بێت بۆ گشت جومگەكان ئەوە چاكسازی لە نێو ئەو نووسەر و بە ناو رۆشنبیرانەی دووبەرەكی دەنێنەوە چەندجار پێویسترە. 

بابەتى پەیوەندیدار بیروڕا

زۆرترین بینراو