بازاڕی سۆپای دار گەرمە

بازاڕی سۆپای دار گەرمە

محەمەد ئامۆكەیی- زاری كرمانجی: بەهۆی پێنەدانی نەوتی سپی بە هاووڵاتیان لە سۆران و زۆرێك لە شارەكانی باشوری كوردستان، خەڵك پەنای بۆ كڕینی سۆپای دار بردووە، ئەوەش وادەكات دار بڕین دەستپێبكاتەوە و هاونیشتیمانیان داوا دەكەن هەرچی زووە دەست بە دابەشكردنی نەوت بكرێت.
وەستایەكی سۆپا دەڵێت" چەند رۆژێكە بازاڕمان گەرمە خەڵك زۆر رومان تێدەكات بۆكڕینی سۆپای دار رۆژ هەیە 10 بۆ 15 سۆپا دەفرۆشم، زۆر جار لە كڕیارەكان دەپرسم بۆچی ئەتەوێت سۆپای دار بەكار بێنیت قسەی ئەوان ئەوەیە كە نەوت دابەش نەكراوە.
عەوڵا ئەحمەد، دەڵێت" لە وڵاتێكین ژێرەوەوامان هەمووی نەوتە كەچی خەون بە نەوت دەبینین، بۆیە ئەمڕۆ هاتمە بازاڕ بۆ كڕینی سۆپای دار لەبەر ئەوەی نەوت تا ئێستا دابەش نەكراوە ئێمەش هەقی خۆمانە دارببڕین و پێشمان ناخۆشە ئەوكارە دەكەین و ئەزانین زیان بە ژینگە دەكەوێت و بەڵام ناچارین، من دەپرسم بەرمیلێك نەوت بەشی چی دەكات، داوا دەكەین پەلەبكرێت لە پێدانی نەوت و هەروەها حكومەتیش دەبێت پلانی هەبێت بۆ ئەوەی لە هاوین نەوتی سپی بەسەر خەڵك دابەش بكات.
حسێن محەمەد، بەڕێوەبەری كۆمپانیای خۆراكی سۆران، بەزاری كرمانجی راگەیاند" خەریكی دابەشكردنی نەوتین بەسەر دانیشتوانی سنووری قەزای رواندز، ئەگەر هاتوو بەو جۆرە پڕۆسەی نەوت واخێرا بڕوات لە چەند هەفتەی دابێت نەوت دەگاتە سەنتەری شاری سۆران، بۆیە دڵنیایی هاووڵاتیان دەكەینەوە لەدوای تەواوبونی رواندز، هەموو هەولێك دەدەین بۆ ئەوەی بەزوترین كات نەوت لە ناو سۆران و گوندەكانی دەوروبەری دابەش بكەین.

 

زۆرترین بینراو