باكۆ بەرهەمەكەی پێشكەش بە ئەردەلان بەكر كرد

باكۆ بەرهەمەكەی پێشكەش بە ئەردەلان بەكر كرد

ئا: كامیار صالح
زاری كرمانجی-سۆران: باكۆ قادر حمد ساڵی (1995) لە سۆران لە دایك بووە، دەرچووی پەیمانگای هونەرە جوانەكانی رواندزە بەشی میوزیك، لە ئێستادا قوتابی كۆلێژی هونەرەجوانەكانی هەولێرە قۆناغی سێ‌ بەشی میوزیك.
باكۆ قادر باسی لە بواری هونەری خۆی كردو گووتی" لە منداڵیەوە حەزی گۆرانی گووتنم هەبووە، خاڵم (كاروان رەمەزان) ژەنیاری بەتوانای ئامێری (عود) لە منداڵیەوە لە هونەرەكەمدا پاڵپشتێكی بەهێزم بووە، یارمەتی دانی باوكم بۆمن زیاتر ڕێگەكەی بۆ ڕوناك كردوومەتەوە تا ئەم بوارە هەڵبژێرم، لە زۆربەی كاروچالاكییەكانی كوردستان بەشداریم كردووە، بەدەر لە گۆرانی گووتن ژەنیاری ئامێری (عودم)و زۆر حەزی پێدەكەم".
سەبارەت بەرەخنە و ئاستەنگیەكانی بەردەمی گووتی" رەخنە ئەو بۆشاییەیە لە ژیانتا بوونی هەیە دەتوانی لە رێگای ئەم رەخنانە بۆشاییەكان پڕبكەیتەوە، هیچ كارێك بەبێ‌ رەخنە سەركەوتوو نابێت، كاریگەری ڕووداوەكانی دەورووبەرم و ئەو هەستەی لە ناخمدایە تەنها دەتوانم بە گۆرانی ووتن دەریبڕم".
باسی لە بەرهەمەكەی كرد و گووتی" گۆرانی (زۆر ئەترسم) هی هونەرمەندی كۆچكردوو (ئەردەلان بەكر) یەكەم بەرهەم بوو پێشكەشم كرد بە روحی پاكی ئەم هونەرمەندە، دەنگدانەوەیەكی باشی بەخۆیەوە بینی و دەستخۆشییەكی زۆرم لێكرا، لە ئێستادا پرۆژەیەكی هونەریم لە بەر دەستە هیوادارم ببێتە جێگای ڕەزامەندی هەوادارانم".
گووتیشی" بە بروای من هەموو كەسێك تاموچێژی تایبەت بەخۆی هەیە و لەلای من ژمارە یەك بوونی نیە، هونەرمەندە تازەكانمان تاڕادەیەك كەسانی باشیان تێدا هەڵكەوتووە، لایڤ میوزیك شتێكی باشە لەو رێگەیەوە هونەرمەند دەتوانێت بەرەوپێشچوونێكی باش بەخۆیەوە ببینێت، داوایەكی زۆرم لێكراوە بۆ لایڤ میوزیك بەڵام بەهۆی سەرقاڵبوونم بە خوێندنەوە نەمتوانیوە خزمەت بكەم".
لە كۆتایدا گووتی" زۆر سوپاس بۆ هەموو ئەو كەسانەی بە شێوەیەك پشتگیریان لێكردووم و یارمەتیان داوم بە هیوام خزمەتێكی باشی وڵاتەكەم بكەم و ببمە جێگای رەزامەندی خەڵك، گرنگترین شت لای من ئەوەیە كە دەمەوێ‌ لە رێگەی هونەرەكەم خزمەت بە وڵاتەكەم بكەم".

 

زۆرترین بینراو