بۆچی بەشێك لەهاوسەران لە دوای هاوسەرگیری پەشیمان دەبنەوە؟

بۆچی بەشێك لەهاوسەران لە دوای هاوسەرگیری پەشیمان دەبنەوە؟

پرۆسەی هاوسەرگیری یەكێكە لەبابەتە گرنگەكان لە ژیانی مرۆڤەكاندا، ئەمە كارێكە بۆ بەردەوام بوونی مرۆڤایەتی، بەڵام ئەوەی مەبەستمانە لەم ڕاپۆرتەدا بۆچوونی هاووڵاتییانی لەسەر وەربگرین ئەوەیە، ئایە بۆچی دوای ئەوەی بەشێك لە مرۆڤەكان دەچنە نێو ئەم پڕۆسەیەوە پەشیمان دەبنەوەو نیگەران دەبن و لەئێستاشدا ئەنجامدانی پرۆسەی هاوسەرگیری كەم بۆتەوە، هۆكاری كەم بوونەوەی پرۆسەی هاوسەر گیری چییە؟پەشیمان بوونەوە لە پرۆسەی هاوسەر گیری دوای ماوەیەك بۆ؟ لە ئێستادا زۆربەی ئەو كەسانەی كە هاوسەر گیریان كردوە دوای ماوەیەك كە بیان دوێنین دەڵێن پەشیمانم، لەم بارەیەوە چەند كەسێكمان دوواندوە.
راپۆرت: دایكی شاڕا
سەرەتا هۆشەنگ گەرمیانی لەم بارەیەوە بۆ زاری كرمانجی گووتی" هۆكار زۆرە بۆ پەشیمان بوونەوە لە هاوسەرگیری،بەڵام هۆكاری سەرەكی بە ئاسان گەیشتنە بە هەواو ئارەزوو و رابواردنە بە زۆر ڕیگەی جۆراوجۆر، ئەوە وا دەكات گەنج هەتا ماوەیەك رابواردنی خۆی بكات، كاتی هاوسەرگیریش كچێكی لە خۆی بچوكتر ئەهێنێت و كێشەی نابێت. هۆكارێكی تریش ئەوەیە كە كابرا وا ئەزانێت ئەو ژنەی هێناویەتی وەكو ئەوانەی پێشووترە، كە بۆ تێركردنی حەزێك لەگەڵی بووە، كە ماوەیەك لەگەڵ هاوسەرە راستەقینەكەی ئەبێت ئیتر لێی بێزارەبێت و دڵی ئەچێتەوە سەر بەزمەكەی جاران چونكە ئامانجی بەس تێركردنی حەزو ئارەززوی سێكسی بووە".
هانا راید بەشداربووێكی تربوو گووتی“ گرنگیدان بە كەسایەتی یەكتر و مامەڵەكردن بە شێوەیەكی درووست یەكێكە لەهۆكارەكانی پەشیمان بوونەوە لە هاوسەر گیری، پێویستە هاوسەران دووركەونەوە لە هەموو شێوازێكی توندوتیژی و مامەڵەی نا بەرپرسانە كە دواتر ببێتە هۆی لێك دابڕان و لێك زویربوون بۆئەوەی لەژیانی هاوسەرگیری پەشیمان نەبنەوە".
هانا باسی لەوەشكرد " هەستكردن بە ئەرك و ماندووبونی یەكتر و هەوڵدان بۆ نرخاندن و ڕێزگرتن لە تواناكانی یەكتر و كەم نەكردنەوە لە بەهای تواناكان یەكتر لەلایەن ژن و مێردەوە وادەكات نێوان بەهێزبێت".
ئیڤانا جمال بە راشكاوانە بۆ زاری كرمانجی دوواو گووتی ” لەگەڵ ئەوەی لەم كاتەدا هاوسەرگیری زۆر ئەنجام دەدرێت بەس ناگاتە ساڵێك و زۆربەی هاوسەران جیا دەبنەوە، هۆكارەكەشی زۆر روونە هەمووی وابیرەكاتەوە كە ژیانی هاوسەری سناپ كردن و پێش سەیارەو گەران و هەر هەفتەی لە رێستۆرانتێك نان خواردنە، كە ئەچنە ناو پرۆسەكە تەواو پێچەوانەی بیركردنەوەكەنیانە پڕە لە بەرزی و نزمی و بەر پرسیارییەت كەناتوانن ئەو بەر پرسیاریەتە هەڵگرن و دایم بۆڵە بۆڵ و شەر و ناخۆشیان ئەبێت، و كۆتایی بەپەیوەندییەكەیان دێنن هۆكارەكەشی هەمووی چاولێكەری ناو تۆرەكۆمەڵایەتیاكان و كەسانی بیانییە".
خانزاد ئازاد، گووتی“بە بۆچوونی من چەند هۆكارێك هەن لەوانە یەكەم، لەبەر ئەوەیە گەنجەكان لێرە بژیوی ژیانیان بەزەحمەت پێ پەیدادەبێت واتە شتیكی ئەوتۆیان لەبەردەست دانییە كەبتوانن ژیانیان پێ دابین بكەن، هەروەها تێچووی زۆری هاوسەرگیری ئەوەش كێشەیە چونكە زۆربە زۆری گەنجی ئێستا بێ كارە، هۆكاری دووەمیش كەبۆچی بەشێك لە هاوسەران لەدوایی هاوسەرگیری پەشیمان دەبنەوە، ئەویش بۆئەوەدەگەڕێتەوە كە كچ وكوڕی ئەم سەردەمە زۆربێ قەناعاتن وەهەروەها نەبوونی خۆشەویستی و لە بەرچاونەگرتنی بڕیارەكانی یەكترو لێك تینەگەیشتن، لەسەربچووكترین شت كێشەكەگەورەدەكەن و دونیا تێدەگێن واتا بەگشی هاوسەرگیری ئێستا وەكو جاران لەسەر بنەمای رێزو خۆشەویستی و لێبورەدیی ودڵسۆزی درووست ناكرێت، بۆیە پەشیمان بوونەوەی لێ درووست دەبێت".
شەهلا عەبدوڵڵا خانمێكی تر بوو بەم جۆرە بۆمان دوواو گوتی“ڕێژەی زەواج لە ئێستادا كەم بۆتەوە،بەهۆكاری نەبوونی پارە،وە زۆری داواكاری كچان،هەروەها نەبوونی هۆشیاری لای گەنجان بەر لە پێكهێنانی ژیانی هاوسەری، پێویستە كچان و كوڕان بەر لەئەنجامدانی پڕۆسەی هاوسەرگیری دەبێت هۆشیاری تەواویان لەم بارەوە هەبێ پێویستە بەتەواوی هەم لەڕووی جەستەیی و دەروونی و كۆمەڵایەتیشەوە ئامادەییان تێدابێ بۆ ئەو پرۆسەیە".
هەدیە محەممەد دوا بەشداربووی ئەم راپۆرتەمان بوو بۆ زاری كرمانجی گوتی“هۆكاری كەم بوونەوەی هاوسەرگیری لە سەر یەك خاڵ نەوەستاوە لە ئێستادا زۆرن هۆكارەكان لەوانە:كەمی لایەنی دارایی لەبەردەم كوڕان، پرۆسەی خوێندن، نەبوونی هەلی كار،ئەمانەو زۆر شتی تر هۆكارن بۆ كەمی پرۆسەی هاوسەرگیری،بۆپەشیمان بونەوەش لە كاتی هاوسەرگیری ڕوونە لەئێستادا پێكهێنانی ژیانی هاوسەرگیری لە تەمەنێكی زوو،ئەمە وادەكات كە ئەم ژنە ومێردە روكەشیانە دەڕۆنە ناو پڕۆسەكەو لە راستی و درووستی ئەو پرۆسە تێناگەن، ئەم چینە زوو جیادەبنەوە، بەهۆی ئارام نەگرتن و هەست نەكردن بە بەرپرسیاریەتی ،هەروەها تۆڕەكۆمەڵایەتیەكان بەدەرنین لەم حاڵەتە ئاسانكاری تەواوی كردوە بۆخیانەتی هاوسەری و دەرئەنجامەكەشی بەجیا بوونەوە كۆتای دێت".

زۆرترین بینراو