بەرگری شارستانی هۆشداری دەداتە هاووڵاتییان

بەرگری شارستانی هۆشداری دەداتە هاووڵاتییان


زاری كرمانجی- سۆران: بەرپرسی بەشی راگەیاندنی بەرگری شارستانی سۆران، هۆشداری دایە هاووڵاتییان تا نەچنە شوێنە سەختەكان و ئەگەر چوونە دەرەوەیان گرنگ و پێویست نەبێت لە ماڵەكانیان بمێننەوە یا لایەنی كم سەفەر نەكەن.
موقەدەم بەیار باڵەكی، بە زاری كرمانجی گووت " بە پێی پێشبینییەكانی كەش و هەوا شەپۆڵێكی سەرما و بەفربارین روو لە كوردستان و سنووری دەڤەری سۆران دەكات، بۆیە داوا لە هاووڵاتییان دەكەین، نەچنە شوێنە سەختەكان تا رووبەرووی گیرخواردن نەبنەوە، هەروەها بە مەبەستی گەشت نەچنە ئەو شوێنانەی زۆر بەفر دەیگرێتەوە لەبەر ئەوەی ئەگەری وونكردنی رێگا یا گیرخواردن لەمجۆرە كەش و هەوایە زۆرە، هەروەها ئۆتۆمبێلەكانیان لە رێگای سەرەكی لا نەدەن چونكە گیر دەخۆن".
زیاتر گووتیشی" چەند رۆژی رابردوو لە سنووری هەر چوار قەزای دەڤەری سۆران 29 حاڵەتی گیرخواردنی هاووڵاتییان لای ئێمە تۆمار كراوە كە تیمەكانمان بە هاوكاری هێزەكانی دیكە و هاووڵاتییانی خۆبەخش توانیان لە مەترسی مردن رزگاریان بكەن".

بیروڕا

زۆرترین بینراو