بەفر هەلی كاری بۆ گەنجانی دەڤەری سۆران رەخساندووە

بەفر هەلی كاری بۆ گەنجانی دەڤەری سۆران رەخساندووە

زاری كرمانجی – سۆران: رۆژانە رێژەیەكی زۆری گەنجان روو لە كوێستان و چیاكانی دەڤەری سۆران و باڵەكایەتی دەكەن، ، بە مەبەستی هێنانی بەفر و لە نێو سەنتەری بازاڕەكان بە پارەی باش دەیفرۆشنەوە .
بەهۆی هەڵكەوتەی جیوگرافیای دەڤەری سۆران و باڵەكایەتی و شاخاوی بوونی ناوچەكە، ساڵانە رێژەیەكی زۆری بەفر دیگرێتەوە بەشێوەیەك لە هەندێ شوێن چوار وەرزی ساڵ بەفری لێ رەش نابێتەوە، ئەگەر چی بەفر لە زستانان زەحمەتی و ناخۆشی بۆ خەلكی ناوچە شاخاویەكان پەیدا دەكات، بەڵام بۆ ئەو كاتەی ساڵ بووەتە درووست بوونی هەلی كار و سەرچاوی داهات بۆ دەیان گەنجی دەڤەرەكە.
ئەحمەد ئەبوبەكر هاووڵاتییەكی دانیشتووی سۆرانە و رۆژانە لە فرۆشتنی بەفر داهاتێكی دەست دەكەوێت، بە زاری كرمانجی گووت" ماوەی چەند ساڵێكە بە تایبەت لە مانگی رەمەزانان، لە چیای حەسەن بەگ بەفر بە پیكاب دەگوازینەوە نێو سەنتەری شارەكان وەك هەولێر، سۆران، رواندز ، هەریر، شەقلاوە و چەند شوێنێكی تر .
بە گووتەی ئەو هاووڵاتییە، هەر عەلاگەیەكی بەفر لە نێو بازاڕەكان بە هەزار دینار دەفرۆشێت و دەڵێ" لە هەر بارێكی رۆژانەی گواستنەوەی بەفردا " 60 " هەزار تا " 100 " هەزار دینارم دەستدەكەوێت، ئەمەش داهاتێكی باشە و لە ماوەی مانگی رەمەزان زیاتر لە دوو ملیۆن دینارم دەستدەكەوێت، ئەمەش لەو بار و دۆخە بۆمن و چەندان گەنجی وەك من كارێكی باشە و هەوڵ ئەدەم دووای رەمەزانیش بەفر لە چیاكان بهێنم و لە شارەكان بیفرۆشم.
دووپاتی كردەوە، خەلك بە تایبەت رۆژوگران لەو مانگەدا بەهۆی 15 سەعات بەرۆژ بوون حەز و ئارەزوویان بۆ هەمو خواردنەوە و خواردنێكی خۆشە، بەفریش بۆ زۆر گیراوە و خواردنەوە بەكاری دێنن، سرووشتیە و خواردنەوەكان سارد و خۆشتر دەكات، بۆیە رۆژانە خواست لەسەر بەفر هەیە.

زۆرترین بینراو