بەكارهێنەرانی تۆڕەكۆمەڵایەتییەكان لەزیادبووندان

بەكارهێنەرانی تۆڕەكۆمەڵایەتییەكان لەزیادبووندان

لە ژیانی ئەمڕۆماندا تەكنەلۆژیا بەگشتی و تۆڕەكۆمەڵاتیەكان بەتایبەتی بەشێكی زۆری ژیانی ڕۆژانەی ئێمەی داگیركردووە، لە گەڵ ئەوەشدا, تادێت بەكارهێنەرانی تۆڕەكۆمەڵاتیەكان لە زیادبووندان, زۆر جاریش بەهۆی كەمی وشیاری كەسەكان كیشەی كۆمەڵایەتی لێدەكەوێتەوە، زاری كرمانجی لەسەر ئەم بابەتە بۆچوونی چەند كەسێكی وەرگرتووە .
عەبدوڵڵاماویلی- زاری كرمانجی - سۆران:
ئاسیا مغدید چاڵاكوانی بواری ژنان بۆ زاری كرمانجی گووتی" لەگەڵ هاتنی تەكنەلۆژیا بۆ نێو ژیانی مرۆڤ گۆڕانێكی زۆرگەورە و بە هێزی درووست كرد لە گشت بوارەكانی ژیان, بۆتە هۆكارێكی كاریگەر بۆ پێشكە وتن و گۆڕان لە ژیان و ئایدۆلۆژیای تاكەكان,ناوبراو زیاتر گووتی" هەریەك بۆ جۆرێك لە دید و تێڕوانینی خۆی بۆ ژیان تەكنەلۆژیا بەكار دەهێنێت , ئەو شەپۆڵە تەكنەلۆژییەی رووی لە جیهان كردووە, كاریگەری ڕاستەوخۆی كردۆتە سەر كاروچاڵاكیەكانی مرۆڤەكان.
ئاسیا گووتیشی" تەكنەلۆژیا ئێستا بۆتە پێویستێكی ڕۆژانەی مرۆڤەكان, تێكەڵ بە ژیانی مرۆڤە كان بووە, بگرە زۆرجار بە سوودی زۆرگەورە لە بە رژەوەندی مرۆڤە كان تە واو بووە,وە بە پێچە وانە وە ش ڕاستە، لە وانەش فە یسووك و توڕەكۆمەڵاتیەكان ئەگەرهاتوو بە شێوەیەكی دروست بە كاربهێندرێت خزمەتێكی زۆرباش پێَشكەش بە مرۆڤایەتی دەكات, بە جۆرێ جیهانی گەورەی بچووك كردووتەوە بۆ گوندێك,كوردستانیش لەو كرانەوە و پێشكەوتنە بێبەش نەبووە, هەر بەهۆكاری هاتنی تەكنەلۆژیاوە مرۆڤەكان ئاستی زانست و زانیاریان زاتر بووە, بەكارهێنانی تەكنەلۆژیا خزمەتێكی گەورەی بە جیهان كردووە, ئاسیا لە كۆتایدا گووتیشی" ئەگەر هاتوو بەشێوە یەكی ناتەندروست بە كاربهێندرێت كێشەی گەورەی كۆمەڵایەتی لێدەكەوێتەوە, هۆكارێكیش دەبێت بۆ ئەوەی هزری مرۆڤەكان دادەپۆشێت و پەلكێشی ئە نجامدانی چە ندین تاوانی جۆراو جۆریان بكات, بە شێوەیەك ئەقڵی هیچ مرۆڤێكی كامڵ قبوڵ ناكات، بە شێوەیەكی ناتەندروست كێشە بۆ بەرامبەرەكەی دروست بكات, بە كارهێنانی تۆڕە كۆمەڵایە تیەكان پەیوەستە بەئاستی ڕۆشنبیری تاكەكانی كۆمەڵگە.
كەلسوم گەزنەیی وەك توێژەرێكی كۆمەڵایەتی بۆ زاری كرمانجی گووتی" تۆڕە كۆمەڵایەتیەكان تۆڕێكی گرنگی میدیایی جیهانیە لە ئێستادا ، بەشێوازیكی زۆر فروان و بی سنوور لەجیهان بڵاو بوویەوە ، سەرتاپای ژیانی تاكی ئێمەی داگیركردووە ، هەندێكیان بە رزگاركەری ژیانیان ناوی دەبەن و هەندێكی تریش پیان وایە كابووسە بۆیان ، بەوپێیەش بێت بۆمان ڕوون دەبێتەوە كەوا بەكارهێنانی پەیوەستە بەئاستی هۆشیاری تاك ، گەزنەیی لە درێژەی قسەكانیدا زیاتر گووتی" تۆڕەكۆمەڵایەتیەكان زۆر بەخێرایی خۆیان خزاندە ناو ماڵ و خێزانی كوردی، ئەمەش بەهۆی باشبوونی بارودۆخی ئابووری ، بەڵام لەگەڵ ئەوەشدا ئاستی هۆشیاری و رۆشنبیری و عەقڵی تاكی كورد لە و ئاست نەبوو, كەوا ئەو ئامرزانە وا بەخێرایی خۆیان بخزێنین ، ئەو توێژەرەگووتیشی" بەداخەوە لە ئێستادا تۆڕەكۆمەڵایەتیەكان بوونەتە بۆمبێكی تەوقیتكراو بۆ ئاسایشی كۆمەڵایەتی كۆمەڵێك دەرهاویشتەی مەترسیداری لێ كەوتۆتەوە، لە هەر ماڵێك لە سەر هەر مۆبایلێك ئینتەرنێت و تۆڕەكۆمەڵایەتیەكان بوونیان هەیە كاریگەری نەرینی لە سەر پەیوەندەكۆمەڵایەتیەكان هەیە, كەلسوم گەزنەیی لە بەردەوامی قسەكانیدا گووتیشی" پەیوەندیە كۆمەڵاتیەكان ڕۆژ لە دوای ڕۆژ لاوازتر دەبن سەردانی خزم و كەس وكار و سەردانی نەخۆش بۆتە تەلەفۆنێك و كورتە نامەیەك واتە دەربڕینی سۆز و خۆشەویستی و پەرۆشی لەڕێگای ئامێرێكی بێ هەستەوەیە،تەنانەت وای لێهاتووە لەناو خێزانەكان لە 24كاتژمێر ئاگایان لەیەكتر نەبێت ، دایك لە بەرپرسیاریەتی خێزان و پەروەردەكردنی ماڵ و منداڵی دوورخستۆتەوە، پیاوی لە سۆز وخۆشەویستی و گرنگی دانی بەخێزان بێ‌ بەشكردوە, كەواتە ڕۆژ لە دوای ڕۆژ پەیوەندیەكان بەرو لاوازی و كاڵبوونەوە دەچن.
پەخشان نەجم وەك چاڵاكوانێكی ئافرەتان لە سۆران بۆ زاری كرمانجی گووتی" یەكێك لە سوودە باشەكانی بەكارهێنانی تەكنەلۆژیا ئەوەیە ئێمە دەتوانین لە رێگای توڕەكۆمەڵایەتیەكانەوە هاوڕێی زۆر بە نرخ و باش بناسین ,هەروەها دەتوانین پەیوەندیان لەگەڵ دروست بكەین كە ئاشانانین پێیان ،ناوبراو لە درێژەی قسەكانیدا زیاتر گووتی" من وەكو چاڵاكوانێكی ئافرەتان سودێكی زۆرم لە توڕە كۆمەڵایەتیەكان بینیوە ولە بەرامبەریشدا خراپەشم لێ بینیوە, خۆم فیسبوكەكەم زیاتر بۆ كارو چاڵاكیەكان بەكاردێنم, كاتەكانی خۆشم دابەش كردووە, چونكە كاتم ئەوەندە لە بەردەست دانیە تۆڕەكۆمەڵایەتیەكان بەكاربێنم , تەنها لە كاتی زۆر پێویست بۆ كاری تایبەتی خۆم بەكاریان دێنم,بەداخەوە هەندێك كەس هەن هەمووكاتەكانی خۆیان بۆ بەكارهێنانی تۆڕەكۆمەڵایەتیەكان تەرخان كردووە, لەبەر ئەوەی كەسانێكی بێ ئەزموون هەن كە نازانن چۆن توڕەكۆمەڵایەتیەكان بەكاربێنن, بیریان لە سوودەكانی ئەم تەكنەلۆژیا تازەیە نەكردووتەوە, بۆچی دروست كراوە, بەڵكو پێیان وایە تەنها بۆ مەبەستی كاری خراپە و كاری ناشرین و كات بەفیرۆدان بەكاردێت، ئەو چاڵاكوانەی ئافرەتان گووتیشی" بەڕای من تاوەكو بتوانین ئەو دیاردە ناشیرنانەی نێو كۆمەڵگە بسڕینەوە پێوێستە بیری كۆمەڵگە بەرامبەر بەو تۆڕەكۆمەڵایەتیەكان بگۆرین لە بەرامبەردا سوود لەم تەكنەلۆژیایە سەردەمیە وەربگرین هەوڵبدەین بۆ كاری باش بەكاربێنین و ڕۆژانە كارەكانمان پێ جێبەجێ بكەین, چونكە خۆی لە خۆیدا ئامانج و مەبەست لە دروست كردن و هاتنی ئەم تەكنەلۆژیایە ئەوە بووكە خزمەتی مرۆڤایەتی پێبكرێت.
پەخشان لە بەردەوامی قسەكانیدا ئاماژەی بەوەش كرد" زۆر جار لێرە و لەوێ‌ گوێبیست دەبین, بەهۆی كەمی وشیاری لە بەكارهێنانی تۆڕەكۆمەڵاتیەكان, كێشەی گەورەی كۆمەڵایەتی سەری هەڵداوە, من وەك خۆم كە لەبواری ژنان كاردەكەم , بەدڵنیایی چەندەها كێشەی جۆراو جۆر ڕووی داوە, ئافرەتی وامان هەبووە تووشی كێشەی كۆمەڵایەتی بۆتەوە, ئەمەش لە ئەنجامی خراپ بەكارهێنانی تۆڕەكانەوە بووە, ئافرەت هەبووە لەسەر تۆڕەكۆمەڵایەتیەكان هەڕەشەی لێكراوە، چەندین كەیسی وامان هەبووە لە دادگاكان, ئەم كێشانە هەمووی لە ئەنجامی خراپ بەكارهێنانی توڕەكۆمەڵایەتیەكان بووە.
ئەكرەم محەممەد گەزنەیی وەك چاڵاكوانێكی بواری تۆرەكۆمەڵایەتیەكان وخاوەنی پەیجی دەنگی سۆران بۆ زاری كرمانجی گووتی"تۆرەكۆمەڵایەتیەكان بەهۆی ئەو پێشكەوتنە خێرایەی كە لەبواری ئەنتەرنێت و تەكنەلۆژیا بەگشتی ڕوویداوە, وایكردوە كە تەكنەلۆژیا بچێتە هەمووماڵێك و خەڵكانێكی زۆریش ئالودەی بوونە, ئەكرەم گەزنەیی لە درێژەی قسەكانیدا گووتی" بۆیە پێم وایە تۆڕە كۆمەڵایەتیەكان رێژەیكی زۆر لە خەڵكی پێوە سەرقاڵ بوونە كە زۆربەشی بۆ كات كوشتنە كەمن ئەوانەی وەك پێداویستی رۆژانە بەكاری بێنن, ناوبراو زیاتر گووتی " بەگشتی ئالوودە بوون بەو جۆرە زەرەرێكی زۆری بۆ سەركۆمەڵگە هەیە و لە ئایندە كاریگەری خراپ دروست دەكات
ئەكرەم محەممەد گووتیشی" پێم وایە تۆڕە كۆمەڵایەتیەكان ئەوەندە چونەتە ناو ژیانی خەڵكەوە, كە ناتوانرێت وا لەخەڵك بكرێت كە تۆڕەكان سنوردار بكرێن , بۆیە ئەوەی گرنگە ئەوەیە كە ڕێكخراو و سنتەری تایبەت بە هۆشیاری و رۆشنبیری دروست بكرێن كە خەڵك لە زەرەر و زیانەكانی ئالوودە بوون بە تۆِرە كۆمەڵایەتیەكان ئاگادار بكرێنەوە .

بابەتى پەیوەندیدار جۆراوجۆر

زۆرترین بینراو