بەڕێوەبەری تەندروستی سۆران هاووڵاتییان ئاگادار دەكاتەوە

بەڕێوەبەری تەندروستی سۆران هاووڵاتییان ئاگادار دەكاتەوە

گولستان بەهجەت:
بەڕێوەبەرایەتی تەندروستی سۆران، هاووڵاتییان لە مەترسییەكانی بەریەك كەوتن لە رۆژانی جەژنی قوربان ئاگادار دەكاتەوە و دەڵێت تا دەتوانن لە یەكتر دوور بن و بەركەوتە نەبن.
د. كاروان جەمال زیاتر گووتی " بە رەچاو كردنی بەرز بوونەوەی رێژەی تووشبووان بە ڤایرۆسی كۆرۆنا لە كوردستان و دەڤەری سۆران و بە تایبەتی سەنتەری شاری سۆران و رواندز، داوا لە هاووڵاتییان دەكەین تا دەتوانن لە رۆژانی جەژن خۆیان لە سەردانی كردنی یەكتر دوور بگرن و ئەگەر ناچاریش بوون پێشوازی لە كەسێك بكەن، ئەوە بە هیچ شێوەیەك تۆقە یا ماچی یەكتری نەكەن و نێوانیان لە مەترێك زیاتر بێت".
هەروەها روونی كردەوە" بە هۆی زۆر بوونی تووشبووان و بەركەوتەی زۆر مەترسی هەیە لە رۆژانی جەژن هاووڵاتی زیاتر تووشی كۆرنا بن، ئەمەش مەترسی بۆ سەر گیانی خۆیان و خێزان و دۆستانیان دروست دەكات، بۆیە تكایە پابەندی رێنماییەكان بن".

زۆرترین بینراو