بەڕێوەبەری تەندروستی سۆران: مەترسییەكانی كۆرۆنا كاتێك كوشندە دەبێت كە خەڵك بڕوایان نەمابێت

بەڕێوەبەری تەندروستی سۆران: مەترسییەكانی كۆرۆنا كاتێك كوشندە دەبێت كە خەڵك بڕوایان نەمابێت

مەترسییەكانی ڤایرۆسی كۆرۆنا رۆژ بە رۆژ زیاتر دەبن، ئەمە وایكردووە حكومەت و لایەنی پەیوەندیدار هۆشداری بدەنە خەڵك و پابەندبن بە رێنماییەكان، بەڵام بەشێك لە هاووڵاتییان پابەند نین بە رێنماییەكان و ئەم ڤایرۆسە بە ئاسایی وەردەگرن، بڕوایان بە كوشندەیی ئەم ڤایرۆسە نییە.
د.كاروان جەمال، بەڕێوەبەری تەندروستی سۆران بە زاری كرمانجی گووت" كۆرۆنا حاڵەتێك نییە كە بڵێین ئەمە شەپۆلی یەكەمە یا دووەم بێت، بەڵام لەوانەیە بارودۆخەكە گۆڕانكاری بەسەردا بێت، وەك چۆن پێشتر كەرەنتین هەبووە، بەڵام ئێستا گۆڕانكاری بەسەر هاتووە ئاسانكاری بۆ خەڵك كراوە بەتایبەت هاتووچۆی نێوان شارەكانی عێراق وەك بەغدا و موسڵا، رێژەی بڵاوبوونەوەی نەخۆشییەكەش پەیوەستە بەم حاڵەتانە، هەرچەندە ئەمەش وا دێتە بەر چاو كە ببێتە حاڵەتێكی شەپۆڵ، هۆكاری ئەوەی كە خەڵك زۆر بڕوایان بە ڤایرۆسی كۆرۆنا نەماوە لەبەر ئەوەی چەند مانگی رابردوو هیچ نیشانەیەك لەسەر تووەشبووەكان دیار نەكەوتووە یا خەڵك بە سووكی تووشی ئەم نەخوشییە بوونە، وەك چۆن لە سۆشیاڵا میدیا و تۆڕەكۆمەڵاتییەكان گرتە ڤیدیۆ بڵاو دەبوونەوە ئەو كەسانەی تووش بوونە هیچ نیشانەیەكی ئەو تۆی لێ دیار نەبووە و تەندروستییان جێگیرە ئەمەش هۆكار بووە كە خەڵك بڕوایان نەبووە و بە گرنگ وەریان نەگرتووە، هۆكاری دووەم ئەوە بووە كە خەڵك بۆ ماوەیەكی زۆر كەرەنتین كرا و بووە هۆی بێزاری ئەمەش گرفتێكی تر بووە بۆ بێ بڕوای خەڵك".
بەڕێوەبەری تەندروستی سۆران سەبارەت بەو گوندانەی كە لە دەڤەری بارزان كەرەنتین كراون گووتی" هیچ زانیارییەكمان نییە چونكە ئەم گوندانە لە سنووری چالاكی ئێمەدا نییە، وەزارەتی ناوخۆ دەبێت بڕیاری كم كردنەوەی هاتۆچوو و قەرەباڵغی بدات، وەزارەتی تەندروستی تەنیا رێنمایی دەدات كە مەترسییەكانی ئەم نەخۆشییە چین و چۆن دەبێت هاووڵاتییان خۆیان بپارێزن".
بەڕێوەبەری تەندروستی سۆران، ئاشكرای دەكات، تۆماركردنی چەند تووشبووێكی كۆرۆنا، ئەوە دەگەینێت كە هێشتا مەترسی لەسەر كۆڕۆنا ماوەو ئەركە هاووڵاتییان پابەندی رێنماییە تەندروستییەكان بن، راگەیاند " لەماوەی رابردوودا حكومەتی هەرێمی كوردستان و وەزارەتی تەندروستی هەنگاوەكانیان سەركەوتوو بووە، بۆ رووبەڕوو بوونەوەی ڤایرۆسی كۆرۆنا، بەمەش دوای رێكارەكانی خۆپارێزی و چارەسەركردنی زۆربەی تووشبووان، ئاسانكاری زۆر بۆ هاووڵاتیان راگەیاندراوەو بازاڕو دوكانەكان كراون، بەڵام لەگەڵ ئەوەشدا ناكرێت خۆپارێزی پەراوێز بخەین، بۆ نموونە هەر لەم رۆژانەی رابردوودا چەندین تووشبووێكی دیكەی پەتای كۆرۆنا لە شاری سلێمانی و هەولێر و شارەكانی دیكەی كوردستان تۆمار كراون، ئەوەش ئەوە دەگەێنێت تا ئێستا مەترسی لەسەر بڵاوبوونەوەی كۆرۆنا ماوە".
بەڕێوەبەری تەندروستی سۆران " داواكاریش بوو هاووڵاتییان، بە هەموو شێوەیەك خۆیان لە شوێنە قەرەباڵغییەكان بە دوور بگرن، بۆ ئەوەی بەركەوتن دروست نەبێت، كە بەداخەوە وەك تێبینی كرابێت هەندێك خەڵك لەم رووەوە بێباكن، ئەمەش بەباشی نازانین و مەترسیدارە".

 

بابەتى پەیوەندیدار دیمانە

زۆرترین بینراو