تەرمێك لەرووباری باڵەكایەتی دۆزرایەوە

تەرمێك لەرووباری باڵەكایەتی دۆزرایەوە

زاری كرمانجی-رواندز: تەرمی هاووڵاتییەك لە روباری باڵەكایەتی لە سنووری رواندز دۆزرایەوەو رەوانەی پزیشكی دادی سۆران كرا.
بەپێی راگەیاندراوێكی بنكەی بەرگری شارستانی رواندز، دوای كاتژمێر پێنجی ئێوارەی ئەمڕۆ هەینی 6-9-2019 تەرمێك لە ڕوباری چۆمان، نزیك پردی بن كێلان لە سنووری قەزای رواندز دۆزراوەتەوەو لەلایەن هاووڵاتییەك هێزەئەمنییەكانی لێ‌ ئاگاداركراوتەوەو دەست بەجێ تیمەكانی بەرگری شارستانی بەسەرپەرشتی رائید ئاری جهانگیر، بنكەی بەرگری شارستانی رواندز، بە ئامادەبوونی كارمەندانی بەڕێوەبەرایەتی ئاسایشی ڕواندز و بنكەی پۆلیسی ڕواندر، تەرمەكە لە رووبار دەرهێنراوەو رەوانەی پزیشكی دادی سۆران كرا و چاوەڕوانی راپۆرتی پزیشكین".
ئەوەش خراوەتە روو " پێشبینی دەكرێت تەرمەكە هی هاوڵاتی "ح .ع.م" لە دایكبووی 1934 بێت كە چەند مانگێك لەمەوبەر كەوتبووە روبارێكی دەڤەری باڵەكایەتی و تەرمەكەی دیار نەمابوو، كە ناو براو لەگەڵ خێزانەكەیان بەمەبەستی كاری كشتوكاڵی لە بناری قەندیل نیشتەجێبوون.

زۆرترین بینراو