جەنگی ئێران و ئسرائیل لە عێراق دەستی پێكرد

نەجات یوسف كاولۆكەیی

 

حكومەتی ئێران ئە و بڕیارانەی حكومەتی عێراقی رەتكردەوە كە تایبەت بوون بە داخستنی بنكە و بارەگاكانی حەشدی شەعبی لە ئیستادا پەیوەندی نێوان عێراق و ئێران جۆرە ساردییەكی بەخۆیەوە بینیوە هۆكارە كە شی حەشدی شەعبییە لە عێراق
پاش بۆردوومانكردنی چەندان بنكە و بارەگاكانی حەشدی شەعبی لە لایەن فرۆكەكانی ئیسرائیلەوە تاكو ئێستا حكوومەتی عێراق نەیتوانیوە هەڵوێستی خۆی دەرببڕێت و ئیدانەی هێرشەكان بكات، لە ناو خودی حكومەتی عێراق جۆرە دابەش بوونێك بەدی دەكرێت.
یەكەم : هەندێك لایەنی شیعەی تووندرە و كە سەربە ئێرانن عادل عەبدوڵمەهدی بە كەسێكی فاشل دەزانن چونكە چەندان جار فرۆكەكانی ئیسرائیل سەروەری خاكی عێراقیان بەزاندووە و هیچ كەس و لایەنێك ئامادە نەبووینە پەنجەی تۆمەت ئاراستەی ئسرائیل بكەن .
دووەم: هەندێك لایەنی شیعە و سوننە كە نزیكن لە ئەمەریكا حەز دەكەن بارەگاكانی حەشدی شەعبی بۆردوومان بكرێن بە بۆچوونی ئەوان حەشدی شەعبی بووەتە بەلا بەسەر عێراق
پاش بە ئامانج گرتنی بارەگاكانی حەشدی شەعبی لەلایەن فرۆكەكانی ئسرائیل لەم دوو رۆژەدا قاسم سلێمانی بە نەهێنی سەردانی عێراقی كردووە و لەگەڵ بەرپرسەكانی حەشدی شە عبی و حزبولڵای عێراقی كۆبۆتەوە و داوای لێكردوون خۆیان ئامادە بكەن بۆ جەنگێكی گە ورە لەگەڵ ئەمەریكا و ئسرائیل و هاوپەیمانەكانیان.
ئێران بەردەوام چەك و جبەخانە رەوانەی عێراق دەكات، توانیویەتی هەیمەنەی خۆی بەسەر حكومەتی عێراق بسەپێنێت لە ئیستادا بۆشاییەكی ئەمنی لە عێراق درووستبووە، داعش دەستی بە جموجۆل كردووە، هەر ئەمەش وایكردووە كە حكومەتی عێراق زیاتر سەرقاڵی كێشەكانی خۆی بێت، لێرەدا ئێران ئەم دەرفەتەی بە باش زانیوە بۆ ئەوەی بە ئارەزووی خۆی بارەگاكانی حەشدی شەعبی پەرە پێبدات و جەكی گەورە و مووشەكی دوورهاوێژ دابمەزرێنێت.
ئێران ئەو جەنگەی كە چاوەروان بوو بیكات ئیستا دەستی پێكردووە، بەڵام جەنگەكەی لە سنووری خۆی دوور خستۆتەوە و هێناویەتە ناو خاكی عێراق.
ئێستا لە هەموو كات زیاتر عێراق كەوتۆتە ژێر مەترسییەكی گەورە هەر یەك لە ئیسرائیل، ئێران و عێراقیان كرۆتە گۆڕەپانی ململانێی سەربازی نێوانیان.
عێراق داوای كردووە ئەنجوومەنی ئاسایش بەپەلە كۆببێتەوە لە سەر دە ست درێژییەكانی ئیسرائیل بۆ ناو خاكی عێراق، بەڵام پێناچێت هیچ وڵاتێك ئامادە بێت ئیدانەی هێرشەكانی ئسرائیل بكات، چونكە هەموو مەترسییەكان لە عێراقەوە سەرچاوەیان گرتووە.
بۆیەش هەفتەی رابردوو هەر سێ سەرۆكایەتییەكەی عێراق كۆبوونەوەیان ئەنجامدا، بەڵام نەیانتوانی ئیدانەی ئەم هێرشانە بكەن، تەنها لەبەر ئەوەی ئەمەریكا پاڵپشتی ئیسرائیل دەكات بۆ لێدانی بنكە و بارەگاكانی میلیشیاكانی سەر بە ئێران.
ئەو گرژی و ئاڵۆزییەی نێوان ئیسرائیل و ئێران گەورەترین مەترسین بۆ سەر عێراق لە ئیستادا دەبێت كاربە دەستانی حكومەتی عێراق زۆر بە وریاییەوە مامەڵە لەگەڵ ئەم بارودۆخەدا بكەن، هەرچی زووە دەبێت حكومەتی عێراق ئەم شەڕە لەخۆی دوور بخاتەوە، ئەگەر نا بە دوور نازاندرێت عێراق تووشی گەورەترین كارەسات بێت.

 

زۆرترین بینراو