حكوومەتی عێراق بەشەخۆراكی رفێنراوانی ئێزدی دەبڕێت

حكوومەتی عێراق بەشەخۆراكی رفێنراوانی ئێزدی دەبڕێت

رەمەزان هەرنی – زاری كرمانجی : بەبڕیارێكی حكوومەتی عێراق هەر كەسێك ناسنامە و فۆرمی خۆراكی نەبێت ناوی لە لیستی بەشەخۆراكی مانگانەدا نامێنێت ئەوەش بۆتە جێی مەترسی لای ئێزدییەكان كە سەدان كەس بێ بەڵگەنامە و بێ‌ بێسەروشوێنن.
مەحما خەلیل، قایمقامی قەزای شنگال بە زاری كرمانجی گووت:" زۆرینەی ئەو ئێزدییانەی ئاوارەبوون یان كەوتنە دەستی داعش لەكاتی بەجێهێشتنی ماڵەكانیاندا ناسنامە و رەگەزنامە و بەڵگەنامە فەرمییەكانی تریان لەگەڵ خۆیاندا بردووە كە بەشێكیان هەر لە رێگەی هەڵاتندا ونیان كردووە.
قایمقامی قەزای شنگال گووتیشی:" بڕیارەكەی حكوومەت هەڵەیە بەهۆی ئەوەی هێشتا خەڵكێكی زۆر بێسەروشوێنن و ناكرێت لەبەر ئەوەی دیارنین یان ناسنامە و بەڵگەنامەكانیان لەبەردەستدا نییە بەشەخۆراكیان ببڕدرێت ئێمە چاوەڕێ بووین رفێنراوەكانمان رزگاربكرێن نەك بەشە خۆراكی مانگانەیان ببڕدرێت.
مەحما خەلیل، قایمقامی قەزای شنگال ئەوەشی خستەڕوو:" چۆن دەكرێت كەسێك چارەنوسی دیار نەبێت بەشەخۆراكەكەیشی لێ ببڕدرێت ساڵی رابردووش ئەم كێشەیە هەبوو بەڵام چارەسەرمان كرد ئەمە جێی قبوڵ نییە دەبێت حكوومەتی عێراق پاساوێكی بۆ ئەو بڕیارە هەبێت بڕیارەكە هەڵەیە بەرامبەر ئێزدییەكان و نابێت كەسێك چارەنوسی دیارنەبێت خۆراكی لێ ببڕێت".

زۆرترین بینراو