دابەشنەكردنی نەوت قڕانی دارو درەخت دێنێت

دابەشنەكردنی نەوت قڕانی دارو درەخت دێنێت

زاری كرمانجی-سۆران: ئەگەرچی تازە سەرەتایی وەرزی پایزە، كەچی بەشێك لە هاووڵاتییانی دەڤەری سۆران، لەترسی سەرماو سۆڵەی زستان و دڵنیانەبوونیان لە دابەشكردنی نەوت و نرخەكەی لە بازاڕدا رویان كردۆتە بڕینەوەی دارو درەختەكان، ژینگە پارێزانیش هۆشداری دەدەن.
هەژار ماهیر ئێدلبی، سەرۆكی رێكخراوی وار بۆ پاراستنی ژینگە، بە زاری كرمانجی راگەیاند " كوردستانی ئێمە بە دارو درەخت و ژینگەی پاكەوە جوانە، بەڵام بەداخەوە زۆر جار ئەم سامانە گرنگە بەر شاڵاوی بڕینەوە و سووتاندنی بەرنامە دەبێت و لە ماوەیەكی كەمدا بە هەزارەها دۆنمی لێ دەفەوتێنرێت, هۆكارەكەشی دەگەڕێنەوە بەهۆی گرانی نرخی نەوت و دابەش نەكردنی سوتەمەنی وەك پیویست لە شارو شارۆچكەو ناوچەكانی دەڤەری سۆران، كە خەڵێكی زۆری روویان كردۆتە بڕینی دارودرەخت و لەباربردنی سروشتی كوردستان.
گووتیشی " رێكخراوی وار لە پەیوەندی دایە لە گەڵا لایەنە پەیوەندارەكان و لە ڕۆژانی ئایندەدا بە گردبوونەوە و ئاراستەكردنی بانگەواز و راگەیاندن و مامۆستایانی ئایینی فشارەكانمان دەست پێ‌ دەكەین، بە تایبەت كە پێویستە هەر چی زووە حكومەتی هەرێمی كوردستان چ لە رێگای وەزارەتی سامانە سروشتییەكان چ لە رێگای كومپانیاكانی نەوتی كەرتی تایبەت، بیر لە رێگا چارەی خێرا بكاتەوە بۆ دابین كردنی نەوت و بە نرخێكی هەرزان بفرۆشێتەوە بە هاووڵاتییان. پێویستە وەزارەتی سامانە سروشتییەكان و لایەنە پەیوەندارەكان هەنگاوەكان خێراتر بكەن لە دابینكردنی سوتەمەنی بۆ هاووڵاتییان بە تایبەت ناوچەكانی سەر سنوور و سەختەكان، كە كەمتر نەبی لە دوو بەرمیل نەوت بە نرخێكی گونجاو".
سەرۆكی رێكخراوی وار بۆ پاراستنی ژینگە، گووتیشی، داواكارین لە هاووڵاتییانی كوردستان و دەڤەرەكەمان خۆیان بپاریزین لەداری بەتەمەن و پتەو بەتایبەتی داری دێم، چونكە هەر دارێكی دێم چەندین ساڵی پێویستە تا پێ دەگات، هەوڵ نەدرێت بە مشار و ماتۆڕی داربڕ دارەكان ببڕن، چونكە هەردارێك بەمشارو ماتۆڕ ببڕدرێ وشك دەبێ و لەناودەچێ. بۆیە بە هەموو رێگایەك وێران كردنی ژینگە لەم وەرزە دەست پێ‌ دەكات و پێویستە حكومەت و دەستەی ژینگە بە تایبەتی بێنە دەنگ، چونكە كاتێ خەڵك سەرمایەتی كەس ناتوانێ بڕینی داری لێقەدەغە بكات هەر پەنای بۆ دەبات.

 

زۆرترین بینراو