دادوەرێكی میسر دەستدرێژی سێكسی دەكاتە سەر كچێك

دادوەرێكی میسر دەستدرێژی سێكسی دەكاتە سەر كچێك

مەهدی محەممەد – زاری كرمانجی : تێوەگڵانی دادوەرێك لە دەستدرێژی سێكسی بە كۆمەڵ بۆ سەر كچێك، وڵاتێكی تووشی شۆك كردووەو هەواڵەكە تەواوی دەزگاكانی راگەیاندن و تۆڕە كۆمەڵایەتیەكانی بە خۆییەوە سەرقاڵكردووە. 
ئاسایشی میسر دادوەرێك و دوو هاوڕێی دەستگیركرد كە كچێكیان فریوداوە و لە گوندێكی گەشتیاری باكووری میسر، بە نۆرە دەستدرێژی سێكسیان كردوتە سەری و لاقەیان كردووە.
ئەنجومەنی باڵای دادوەری میسر دۆسیەكەی بۆ دادوەری تێهەڵچونەوەی (م) و هەردوو هاوڕێی كە خاوەنی نوسینگەی گرێبەست و كۆمپانیایەكی ئامێری كارەباییە داناوە، داواكاری گشتی بە تۆمەتی درۆكردن لەگەڵا كچێك و ڕفاندنی بە فێڵ و دەستدرێژی سێكسی تۆمەتباری كردن و، لەكاتی لێكۆڵینەوەدا تۆمەتباران ددانیان بەوردەكاری ڕووداوەكەدا ناوە و بەڵام ئەوەییان وتووە كە فەرمانەكە بەڕەزامەندی خۆدی كچەكە جێبەجێكراوە، بەڵام قوربانییەكە بە هەموو شێوەیەك رەتی دەكاتەوە كە بە خواست و ئارەزووی ئەو كارەكە كرابێ و دەڵێ: "بە شێوازێكی زۆر دڕندانە تا بەیانی بە نۆرە دەستدرێژیی سێكسیان كردۆتە سەرم و ئازاری زۆریان داوەم و هەر ئەوەش وایكرد بۆ بەیانی سكاڵا لە دژی ئەوان تۆمار بكەم".
هاوكات ڕاپۆرتی پزیشكی دادوەری پشتڕاستی كردووەتەوە كە دەستدرێژییەكی دڕندانەی كراوەتە سەر و یەكێك لە تۆمەتبارەكانیش لە لێكوڵینەوەكەدا باسی لە چۆنیەتی لە خشتەبردنی كچەكە كردووەو دەڵێ‌ : "لەبەر ئەوەی كچەكە لە كۆمپانیاكەی خۆم كار دەكات، پێمووت  پێویستە لەگەڵم بێت بۆ بەشداریكردن لەكۆنگرەی وەبەرهێنانی خانووبەرە لەناوچەی مارینا، ئەویش ڕازی بوو بەوەی كە لەژوورێكی تاك لە هۆتێلێك بمێنێتەوەو دواتر بە هەر شێوەیەك بێ ئەوەم رازیكرد لەڤێلای بەكرێ لە مارینا دا بمێنێتەوەو ئەویش ڕازی بوو و دواتر ئەو شتە روویدا". 
جێگەی باسە دانیشتنەكانی دادگایكردنەكە لەلایەن مەحموود كامل ئەلڕەشید ی دادوەری دادگایكردنی سەدە وە سەرۆكایەتی دەكرێت، ئەو دادوەری كە پێشتر حوسنی موبارەكی سەرۆكی پێشووی میسری دادگایی كرد. 

زۆرترین بینراو