دكتۆر فەرسەت بەلێنیدا یاریگای سۆران نۆژەن بكاتەوە

دكتۆر فەرسەت بەلێنیدا یاریگای سۆران نۆژەن بكاتەوە

كێشەو گرفتەكانی وەرزش لە شاری سۆران لە لوتكەدان و شتێكە نییە بەناوی شوێنی وەرزشكاران و لاوان، بێ باكی و كەمترخەمی زیاتر لە 20 ساڵی رابردوو بەرامبەر بە وەرزش و لاو و گەنجەكانی ئەو شارە لە كلكەی هەڵپەركێی مەزاجی بەرپرسانی بووە.
لە دیدارێك لەگەڵ بەرێز دكتۆر فەرسەت سۆفی پارێزگاری هەولێر شەوی سێ‌ شەممە 17-9-2019 بە ئامادەبوونی چەند برادەرێكی ناسراوی سۆران و دیانا گفتووگۆمان لە سەر كەم و كورتییەكانی بواری وەرزش و كێشەو گرفتەكانی سۆران و یانەی سۆران و وێرانبوونی یاریگاكانی كرد، بەرێزیان بەلێنی چارەسەری بە پەلەو خێرای پێ راگەیاندم و گووتی بریارە بەیانی چوارشەممە 18-9-2019 لەگەڵ شاندێكی بالای عێراق سەفری چین بكەین، لە دوای گەرانەوەم دەست بە كرداری نۆژەنكردنەوەی یاریگا دەكەین، لە دوای گەرانەوەی بۆ ئەو مەبەستە لیژنەیەكی لە ئەندازیارانی پارێزگای هەولێر سەردانی یاریگای دێلزیان كردو دەرخستەی پێویستیان بۆ كەم و كورتییەكان ئامادەكرد تاكو بەزووترین كات بكەوێتە بواری جێبەجێكردن.
دەرخستەكە بری 300 ملیۆن دیناری لەلایەن ئەندازیارەكان بۆی دیار كراوە، رۆژی هەیینی27-9-2019 لەكاتژمێر 6ی ئێوارە بە رێگای تەلەفۆن پەیوەندیم بە دكتۆر فەرسەت كرد و دووپاتی بەلێنی خۆی كردەوە و راگەیاند ئەگەر لە سەری تووشی قەرزیش ببم نۆژەنی دەكەمەوە و بە زووترین كات ئامادەیی دەكەین بۆ سوود لێ‌ وەرگرتن و هەروەها گووتی هەر ئێستا پەیوەندی بەكاك كرمانج عزەت قائیمقامی سۆران دەكەم بۆ ئەوەی لە ماوەیەكی زوو كۆتایی بە ئامادەكردن بێت و یارییەكانی لە سەر بەرێوە بچیت.
ئەوەی زۆر بەلامەوە جێگای سەیرو سەمەرەییە دوای هەموو ئەمانە راگەیاندنی موژدە بە خەلك و وەرزشكاران بدەی، خۆی بیر بچێتەوە لە ماوەی زیاتر لە 15 ساڵی رابردوو نەیتوانیووە پیازێك بۆ وەرزش و وەرزشكارانی شاری سۆران سپی بكەی، كەچی بێت و موژدە بخەیتە بەرچاوی وەرزشكاران و هاوشارییان، راستە گوتوویانە تاكو خاوەن ماڵ دزی گرت، دز خاوەن ماڵ دەگریت، پێدەچی دەورووبەریشی بگریت.
لە ژیانمدا هیچ كاتێك هەوڵ و تێكۆشانم بۆ هیچ مەبەستێكی تایبەت بە خۆم نەبووەو نییە، بەڵام زۆر سەیرە 20 ساڵی رابردوو جگە لە وێرانكردن و تێكدانی بواری وەرزش و خزمەت نەكردنی بواری وەرزش و چینی گەنج و لاو هیچ پرۆژە و بەرنامەیكی نەبووبێت، لە كاتێكدا لەو ماوەیەدا ساڵانە بەردەوام باسی وەرزش و یاریگاكانم دوو جار تا سێ‌ جار ساڵانە پێم راگەیاندوە و هیچ باكی بە قسەكان نەداوە و شاهیدیشم(دیدڤانیشم بۆ ئەو پێشنیارو قسانەم زۆرن، تازە بە تازە موژدە بوەشێنی وو نازانم چی و چی بلێی.
وێرای دەستخۆشیم بۆ بەرێز دكتۆر فەرسەت سۆفی، زۆر سوپاسی هەڵوێست و خەمخۆری دەكەم لە پێناو بەدی هێنانی ئامانجی وەرزشكاران و لاوانی شاری سۆران.

بابەتى پەیوەندیدار وەرزشى

زۆرترین بینراو