دوای رووداوەكانی 16ی ئۆكتۆبەر زیاتر دەستدرێژی دەكرێتە سەر ئافرەتان

دوای رووداوەكانی 16ی ئۆكتۆبەر زیاتر دەستدرێژی دەكرێتە سەر ئافرەتان

ئەنجومەنی یەكێتی ئافرەتانی كوردستان لە كەركووك، لە دیمانەیەكی زاری كرمانجیدا باس لە كەم بوونەوەی چاڵاكیەكانیان دەكات لە كەركوك, دوای رووداوەكانی 16ی ئۆكتۆبەری ساڵی 2017 ئەو شارەیان بەجێهێشتووە و كاروچالاكییەكانیان لە هە‌ولێر بەرێوەدەبەن، دوای بڵاوبوونەوەی ڤایرۆسی كۆرۆنا زیاتر كاریان لەسەر هوشیاری تاك كردووە بۆ خۆپارێزی لە كۆرۆنا.
دیمانە: رەمەزان هە‌رنی
ویداد حەمید سەعید، بەرپرسی ئەنجومەنی یەكێتی ئافرەتانی كوردستان لە كەركووك بە زاری كرمانجی راگەیاند" هەر لە دوای پرۆسە ی ئازادی عێراق دوای ساڵی 2003 كۆمەڵگەی نێودەوڵە تی و رێكخراوی مافی مرۆڤ زۆرێك لەم رێكخراوانە روویان كردە شاری كەركووك، بەڵام بە شێوەیەكی باش نەبوو هۆكاری سەرەكیش ئەوە بوو كەركووك لە رووی فرە نەتەوییەوە زۆرێك لە هاوئایین و مەهەبی تێدا بە دی دەكرێت بۆیەش بوار نەرەخسا تاكو كارەكانی رێكخراوەكان ئەكتیف بن ئەوەی زیاتر كە هەستی بە بەرپرسیارەتی دەكرد رێكخراوی یەكێتی ئافرەتانی كوردستانبوو بە هەموو شێوەیەك بە یەكسانی كاری بۆ ئافرەتان دەكرد و داكۆكی لە مافەكانی ئافرەتان دەكرد، دوای شەری نەگریسی تیرۆرستانی داعش رەوشەكە ئاڵۆزتربوو ئە وەی كە ئێمە دەمان توانی بیكەین هاوكاری و پرۆژەبوو بۆ خزمەت كردنی بنەماڵەی پیشمەرگەكان و خانەوادەی شەهیدان بوو، ئێمە چەندین جار داوامان لە حكومەتی هەرێم كرد كە فەرمانگەی توندوتیژی ئافرەتان لە كەركووك بكاتەوە بێ وەڵام دەبوو داواكانمان بۆیە وەكو پێویست ئاستەنگ درووست دەبوو بۆ داواكردنی مافی ئافرەتانی شاری كەركووك هیچ فەرمانگە یاخود بارەگایەكی نەبوو بۆ داكۆكی كردن لە ئافرەتانی ماف خوراو و پیشێلكراو".
بەرپرسی ئەنجومەنی یەكێتی ئافرەتانی كوردستان لە كەركووك ئەوەشی رونكردەوە" رووداوەكانی دوای 16ی ئۆكتۆبەر و هاتنی میلیشیا و حەشدی شەعبی و نەمانی كیانی سیاسی كورد زیاتر بارودۆخەكە ئالۆزبوو تەنانەت ئێستا ئافرەتان زیاتر دەستدرێژیان دەكرێتە سەرو ئەشكەنجەی جەستەیی و دەروونی دەدرێن زیندوترین نموونە، ئەو ئافرەتەی خاوەن پیداویستی تایبەتبوو لە شارۆچكەی پردێ كە بە رەگەز كوردبوو لەلایەن حەشدی شەعبی دەست درێژی كرابووە سەر ئەم و چەندان نمونەی تر هەن، بەڵام كەس ناتوانێ كار لەسەر ئەم كەیسانە بكات چونكە هێزێكی میلیشیایی لە كەركوك باڵادەستە".
خاتوو ویداد لەبارەی كارەكانی رێكخراوەكەی گووتی" ئیمە لە ئیستا و داهاتووشدا هەمیشە لە خزمەت كردنی كاری رێكخراوەیی خۆمان بەردەوام بووین و بەڵام ئیستا كاركردن لە كەركوكدا نەوەك هەر رێگری هەبێت بەڵكو قەدەغە كراوە پێش رووداوەكانی 16ی ئۆكتۆبەر بەوپەری ئازادی و سەربەستیانە كاری رێكخراوەیی خۆمان دەكرد و چاڵاكیە كانمان لە هەموو قەزا و نەحیەكانی كەركوك بڵاوەی پێكرابوو دە توانم بلێم، هیچ سوچێكی ئەم شارە ن مابوو كە دەستی هاوكاری ئێمەی پی نەگات، بەڵام لە ئێستادا سەرجەم چاڵاكی و پرۆژەكانمان و ستاوە لە پێشتردا چە ندین پرۆژەمان هەبوو وەكو پەرەپێدان بە توانای مرۆیی ئافرەتان، خولی دورمان و فێربوونی كۆمپیوتەر، و خولی وەرزشی و هاوكاری كردنی منداڵی بێ سەرپەرشتیار و هاواكاری كردنی بنەماڵەی شەهیدان. لە پێشتردا زۆر باشتر بوارمان بۆ رەخسابوو بۆ كاركرن و پشتگیری چە ندین رێكخراوی تر، و بە تایبەت پارێزگاری كەركووكمان بەدەست هێنابوو ، لە ئێستادا لە پیلانماندا هەیە بە شێوەكیتر و پارتیزانی كار و چالاكیە كانمان بەردە وام بێت بە ستافێكی نوێیەوە بگەڕێنەوە كەركوك تاوەكو پێشمەرگە دەگەرێتەوە بۆ سەرجەم ناوچە كوردستانیەكان و بە تایبەتی كەركووك و دانانی پارێزگارێكی كورد تاوەكو زیاتر بتوانین بە هەماهەنگی و گیانێكی لێبوردەیی خزمەت بە سەرجەم چین و توێژەكان بكەین".

زۆرترین بینراو