دوای گازندەی هاووڵاتیان پڕۆژەییەك وەرنەگیرا

دوای گازندەی هاووڵاتیان پڕۆژەییەك وەرنەگیرا

محەمەد ئامۆكەیی- هەریر: دوای ساڵێك لە قیڕتاوكردنی رێگای سەرەكی باتاس لە سنووری هەریر، بەهۆی دروستبونی قۆرت و رووچونی بە ناچاری دووبارە رێگایەكە قیڕتاو دەكرێتەوە و هاووڵاتیان داوا دەكەن حكومەت چاودێری باش بكات بەسەر پڕۆژەكان و بگرە ئەو بەلێن دارانەی كەمتەرخەمن سزا بدات.

محەمەد ئەحمەد، دانیشتوی باتاسە دەڵێت" جێگەی نیگەرانیە زۆربەی پڕۆژەكانی حكومەت بە خراپی جێبەجێ دەكرێن، ئەوەی باتاسیش یەكێكە لەو پڕۆژانە كە ساڵێكی نەبرد چەندین قۆرتی لێ پەیابوو، لێرەوە داوا دەكەین حكومەت لە رێگەی لیژنەیەكی دڵسۆز سەرپەرشتی هەموو پڕۆژەكانی بكات بۆ ئەوەی تەخشان و پەخشان بە پارە نەكرێت."

باسی لەوەشكرد" ئەگەر سەرەتا ئەو رێگایە بە ستاندەر چاكرابا دووبارە كار ناگەشتە ئەوەی سەر لە نوێ قیڕتاو بكرێتەوە، بۆیە ئەوەی هەیە بێخەمی لایەنی جێبەجێكرا ئەگەرنا لە كوێی دونیا هەیە رێگا ساڵیك نەكات لە چەندین شوێن قۆرت و درزی گەورەی لێ دروست بێت.

باتاس بەر لە سەد ساڵ ناحیەبووە كەچی تازە كۆلان و شەقامەكەی قیڕتاودەكرێت، ئەمە قسەی گەنجێكەو گووتی" بۆ هەموو كارە باشەكان دەستخۆشیمان هەیە بەڵام ناكرێت لەو وڵاتە زۆربەی هەرە زۆری پڕۆژەكان بەكەمەتەر خەمی جێبەجێ بكرێن، نەك رێگای باتاس بڕۆ دووسایدە نوێیەكان هەمووی تەمەنیان كورتە ئەوەش بۆ دوو هۆكار دەگەڕێتەوە یەك خراپی كوالیتی قیڕەكەو چاودێری نەكردنی باش لە لایەن لیژنەكانی حكومەت، بۆیە ئەگەر لەمەودوا چاودێری چڕ بەسەر پڕۆژەكان نەكرێت پێموایە چارەنوسی هەموو پڕۆژەكانی تری حكومەتیش وەك ئەو پڕۆژانەنن.

زاهیر بناوی، سەرۆكی شارەوانی هەریر، بە زاری كرمانجی راگەیاند" باتاس وەك یەكێك لە شارەدێیە بچوكەكان لە كابینەی رابردوو بە هەوڵێكی زۆر توانیمان زۆربەی كۆلانەكانی كۆنكرێت بكەین و بە باشی كارەكان ئەنجام دران، تەنیا رێگای سەرەكی نەبێت كە قیڕتاوكراوە ئەویش لە ئەستۆی ئێمە نەبوو لایەنی تر جێبەجێی كردبوو، دیاربوو شەقامەكە كەم و كوڕی هەبوو لە پشكنین دەرنەچوو ناچار دووبارە زیاتر لە 1000هەزار مەتر ئەو رێگایە قیڕتاو بكرێتەوە.

زۆرترین بینراو