رووداوەكانی هاتووچۆ لە كەمبونەوەدان

رووداوەكانی هاتووچۆ لە كەمبونەوەدان

زاری كرمانجی – سۆران : بەرپرسانی هاتووچۆ لە شار و شارۆچكەكانی كوردستان ئاشكرای دەكەن، بەهۆی قەدەغەی هاتووچۆ و هەبوونی ڤایرۆسی كۆرۆنا رووداوەكانی هاتووچۆ بەشێوەیەكی بەرچاو كەمیان كردووە .
نەقیب عەدنان عوبەید ئەفسەری هاتوچۆ لەبەرێوەبەرایەتی هاتوچۆی سۆران بە زاری كرمانجی گووت : بەهۆی ئەوەی قەدەغەی هاتوچۆ هەبوو هاووڵاتییان نەیان دەتوانی بە ئاسانی و بێ‌ وەرگرتنی مۆڵەت لەماڵەوە بە ئۆتۆمبێلەوە بێنە سەر شەقامەكان، ئەمەش بووە هۆكاری ئەوەی رووداوەكانی هاتوچۆ لە سنووری قەزای سۆران بەرێژەیەك كەمببن لە بگەن بە ئاستی نەمان .
زیاتر گووتی" رووداوی هاتوچۆ لە ماوەی ئەو دوو مانگەی قەدەغەدا نەبووە، زیانەكانی كۆرۆنا ئەوەبوو كە هەموو جیهان گرتەوە زیانی ئابووری زۆر هەبوو، بەڵام لە رووی هاتوچۆ زۆر سودمان لە كۆرۆنا بینیوە كە بووە هۆی نەمانی رووداوی هاتوچۆ لە دەڤەرەكە .
لای خۆشیەوە، موقەدەم ئازاد تەها، وتەبێژی بەرێوەبەرایەتی هاتوچۆی دهۆك بە زاری كرمانجی راگەیاند" بەمەبەستی خۆپارێزی و بەریەك نەكەوتنی هاووڵاتییان و دروست نەبوونی قەرەبالغی حكوومەتی هەرێمی كوردستان بریاری قەدەغەی هاتوچۆیدا كە ئەمە سودی زۆری هەبوو لەهەماكاتدا كاریگەری زۆری هەبوو لەسەر كەمكردنەوەی رووداوەكانی هاتوچۆ .
زیاتر گووتی" بە شێوەیەكی گشتی بەهۆی كۆرۆناوە رێژەی 60% رووداوەكانی هاتوچۆ كەمبوونەوە لەم ماوەیە دا ، ئەوانەی كە تووشی رووداویش بوونە بەهۆی تیژ لێخورینەوە بووە، بەڵام بەگشتی كۆرۆنا رووداوەكانی هاتوچۆی كەمكردەوە لە هەموو كوردستان و پارێزگەی دهۆك بەتایبەتی .
لەساڵانی رابردوو، لە ماوەی دوو مانگدا چەندین رووداوی هاتووچۆ تۆمار دەكران و بەو هۆیەوە زیانی گیانی و ماددی زۆر بەر هاووڵاتییان دەكەوت، خۆشبەختانە لە ماوەی رابردوودا رووداوەكان بەشێوەیەكی بەرچاو كەمیان كردووە .

زۆرترین بینراو