رۆڵێ پارتی د ڤەكرنا فرۆكەخانا و بازرگانیێ دا

پەروین رەمەزان دوسكی

 

سەرۆكێ هەرێمێ، نێچیرڤان بارزانی د سالێن بوری دا، شیا گەلەك كارێن ئەرێنی بو هەرێما كوردستانێ ئەنجام بدەت و هەروسا شیا د كەرتێ ڤەگوهاستن و گەهاندنێ دا پێشكەفتنێن مەزن دەست خوڤە بینیت و نها هەرێم ب رێیا دوو فروكخانێن نێڤدەولەتی یێن هەولێر و سلێمانیێ ب جیهانێ ڤە هاتیە گرێدان، ئەڤە ژی فاكتەرەكێ گرنگە بو پێشكەفتنا هەرێمێ ب گشتی و ب رێیا لڤینێن گەرم و ب لەزێن بازرگانی و گەشتیاریێ ڤە، ئەڤەژی سەرەرای وێ چەندێ یە كو ب ساناهی كرنا كاری یێ بویە سەبەبێ دلخوشیا سیاسی و خەلكێ بیانی و وەلاتێن جیهانێ بو ڤەكرنا قونسڵخانە و نوێنەراتیێن وان ل هەرێمێ و گرێدانا دەهان كونگرێن جیهانێ و هەرێمی و سیاسی و ئابوری و ساخلەمی و پەروەردەیی و چالاكیێن هونەری و كولتوری ب ساناهی كریە، هەروەسا ژلایێ بازرگانیێ ڤە پارتی دیموكراتی كوردستان ل گەل هەڤپەیمانێن خوە هەرێما كوردستانێ برێڤە دبر، د بازرگانیێ گەشەكرنەكا بەردەوام روودایە و د دەمەكی دا كو ل سالا 2004 گوژمێ پێك گوهورینا بازرگانی د ناڤبەرا هەرێما كوردستانێ و وەلاتێن جیهانێ ب تنێ 4,224 چار ملیار و دوو سەد و بیست و چار ملیون دولار بوون، د سالا 2012 دا گەهشتە 14,889 چاردە ملیار و هەشت سەد و هەشتێ و نەه ملیون دولاران كو ب رێژا (252%) هاتە زێدە كرن ل ڤێ سالێدا.
هەروەسا ل دیڤ ئامارێن وەزارەتا پلاندانانا حكومەتا هەرێمێ، ل سالا 2012 پروژێن وەبەرهینانێ د وارێ بازرگانیێ دا، ژ 73 پروژان پێك دهاتن، 66 یێن خومالی بوون و 2 هەڤپشك و 5 پروژە ژ یێن بیانی بوون.
بازرگانی ژێدەرەكێ ئابووریێ گرنگە و ب رەنگەكێ كارا پشكداریێ د ڤەژاندنا جڤاكی دا دكەت، لەوڕا لیستا پارتی دیموكراتی كوردستان گرنگیەكا زور ب ڤی كەرتێ زیندی ددەت و دڤێت ب رێیا دانانا قانوون و بڕیاران لڤینێن زێدەتر و دروستتر ب ڤی وارێ بدەت ژ پێخەمەت ڤێ یەكێ كار دكەت بۆ:
1- دامەزراندنا جهێن بازرگانیا ئازاد ل خالێن سەرەكی و دەڤەرێن دی ل هەرێما كوردستانێ.
2- دەرخستنا وان هەموو یاسا و بڕیارێن گرنگ ب فەرمانگەهێن چاڤدێریا بازرگانی و دەزگەهێ پێڤانەكرن و كونترولا جورێ ددەن و كار ل سەر دكەن.
3- راست ڤەكرنا وان هەموو یاسایێن پەیوەندیدار ب بازرگانیا ناڤخو و دەرڤە، ژ وانا یاسایێَن بازرگانی وكومپانیا و ئێكەتیێن گشتی و ژوورا بازرگانی و پێشەسازی، ئینان و هنارتنێ و یێن دی.
4- دەرخستنا وان هەموو یاسا و بڕیارێن هەڤسەنگیێ د تەرازویا بازرگانی و تەرازویا پێدایان دا دروست دكەت و بەرهەمێن نیشتمانی ژ هەڤركیێ د پارێزن، ب تایبەتی ژی گەل وەلاتێن هەڤسوو".

 

زۆرترین بینراو