زاری كرمانجی هۆكاری خۆكوشتنی ئافرەتێك ئاشكرا دەكات

زاری كرمانجی هۆكاری خۆكوشتنی ئافرەتێك ئاشكرا دەكات

دوابە دوای گیانی لەدەستدانی ئافرەتێكی تەمەن 21 ساڵ بە هۆی گوللەوە لە قەزای سۆران، كۆمەڵێك لێكدانەوەی جیاجیا بۆ هۆكاری كوژرانەكەی باس كران.
زاری كرمانجی لە بەدواداچوونێكی دا هۆكاری گیانی لەدەستدانی ئاشكرا دەكات.
نەقیب شێروان خالد وتە بیژی ب. بەرەنگاربوونەوەی توندوتیژی ئافرەتان و خێزان لە سۆران
بە زاری كرمانجی گووت" بە پێی لێكۆڵینەوە سەرەتاییەكان و بە پشت بەستن بەو وتانەی وەرگیراون گیان لەدەستدانی ئەو ئافرەتە بە هۆی خۆكوژییەوە بووە".
زیاتر گووتی " كاتژمێر2ی دوای نیوەڕۆ رۆژی 11-4-2020 لەلایەن نەخۆشخانەی فریاكەوتنی سۆران ئاگادار كراینەوە بە بوونی ئافرەتێكی زامدار بە ناوی(ب.م.ج) تەمەن 21 ساڵا دانیشتووی گەڕەكی هەندرێن، كە فیشەكێك بەر سەری كەوتبوو، بە گووتەی هاوسەرەكەی ماوەی چەند سالێكە برای بە رووداوێك گیانی لە دەستدا و بەو هۆیە زۆر نیگەران بووە، كاریگەری لەسەر باری دەروونی درووستكردووە، بە دەمانچەی جۆری كڕواتی فیشەكێكی لە سەری خۆی داوە".
ووتەبێژی پۆلیس زیاتر گووتی" هەر ئەو كات پەڕاوی لێكۆڵینەوە بۆ رووداوەكە كراوەتەوە و ئافرەتە زامدارەكە رەوانەی هەولێر كرا و لە رێكەوتی 26-4-2020 لە بەر سەختی برینەكەی لە نەخۆشخانەی رۆژئاوا لە هەولێر گیانی لە دەستدا و لێكۆڵینەوەش لە سەر رووداوەكە بەردەوامە".

زۆرترین بینراو