زاری كرمانجی هۆكاری دەست بەكار نەبوونی قائیمقامی نوێی سۆران ئاشكرا دەكات

زاری كرمانجی هۆكاری دەست بەكار نەبوونی قائیمقامی نوێی سۆران ئاشكرا دەكات

موڕشید برادۆستی – سۆران: نزیكەی مانگێكە، ئەنجوومەنی پارێزگەی هەولێر بە زۆرینەی دەنگ قائیمقامێكی نوێی بۆ قەزای سۆران هەڵبژاردووە، بەڵام تا ئێستا بە فەرمی دەست بەكار نەبووە و كار و باری كارگێڕی ئەو قەزایە بە وەكالەت بەڕێوەدەبردرێت، ئەمەش بۆ چوون و قسە و باسی جیا جیای لەسەر درووست بووە، زاری كرمانجی هۆكارەكە دەخاتەڕوو .
دوای پانزە ساڵ، گۆڕانكاری لە پۆستی قائیمقامی سۆران كرا و ئەو پۆستە لە ماوەی ئەو ساڵانەدا لە لایەن " كرمانج عیزەت دەرگەڵەیی" بەڕێوەی براوە .
لە بارەی كات و ساتی دەست بەكار بوونی قایمقامی نوێی سۆران، سەوری عیسمەت بێڕۆخی ئەندامی ئەنجوومەنی پارێزگەی هەولێر بە زاری كرمانجی راگەیاند" لە 30ی ئەیلوولی 2020، ئەنجومەنەكەمان بە كۆی دەنگ " هەڵگۆرد نەجیب برادۆستی وەك قائیمقامی نوێی سۆران و لە شوێنی " كرمانج عیزەت "هەڵبژارد، بڕیار و رێكارەكانی قایمقامی نوێی سۆران هەنگاوی باش بڕیوە، ئەنجومەنی پارێزگا پەسەندی كردووە و بەرزی كردۆتەوە بۆ پارێزگا و لەوێش ئاڕاستەی وەزارەتی ناوخۆ كراوە، بۆ دەست بەكاربوونی چاوەڕوانی دەركردنی بڕیاری وەزارەتی ناوخۆ و مەڕسوومی سەرۆكایەتی هەرێم دەكرێت ".
سەوری بێڕۆخی، ئاشكراشی كرد" دوای تەواو كردنی رێكارە یاساییەكان، ئەو كات بە فەرمی وەك قائیمقام دەست بە كارەكان دەكات و هیچ كێشیەك نەهاتووتە پێش و تەنها هەندێ رێكاری یاسای ماوە. بەڵام رۆژ و كات و ساتی دەست بەكاربوونی دیار نییە، هەر كاتێك ئەو رێكارانە تەواو كران بێگومان دەست بەكار دەبێت .
شایەنی باسە، ئێستا كار و باری كارگێڕی قایمقامیەتی سۆران بە وەكالەت لەلایەن " مەغدید عەریف ئەحمەد " بەڕێوەبەری ناحیەی خەلیفان بەرێوەدەبردرێت، بەپێی زانیاریەكانی دەست زاری كرمانجی كەوتوون، دوای گۆڕانكاری لە پۆستی قائیمقامی سۆران، كرمانج عیزەت وەك راوێژكار دەگوازرێتەوە نێو وەزارەتی كشتووكاڵ و سەرچاوەكانی ئاوی كوردستان.

بیروڕا

زۆرترین بینراو