زانیاری لەبارەی تاپۆكردنی خانووە زێدەڕۆییەكان لە زاری كرمانجی بخوێنەوە

زانیاری لەبارەی تاپۆكردنی خانووە زێدەڕۆییەكان لە زاری كرمانجی بخوێنەوە

راپۆرت-محەمەد هەسنانی
زاری كرمانجی لە بەدواداچونێكدا وردەكاری لەبارەی شێوازی تاپۆكردنی خانووبەرەو زەوییە زێدەڕۆییەكان ئاشكرا دەكات و بۆ ئەم مەبەستە بەسەدان هاووڵاتی سۆران داواكاریان پێشكەش بە لیژنەی باڵای بەخاوەن كردنی خانووە زێدەرۆییەكانی قائیمقامیەتی قەزای سۆران كردووە.
ئەگەرچی بەشێك لە هاووڵاتییان پێیانوایە " نرخی تاپۆكردنی خانووبەرە بە بەراورد بە ساڵانی رابردوو زۆر زیاتر كراوەو دەبوایە بارو دۆخی ئێستای خەڵكەكە لەبەرچاو بگیرێت و بە پێی ئەوە نرخی تاپۆكردنەكە دیاری كرابو,ایە، بەڕێوەبەری تۆماری خانووبەری سۆرانیش دەڵێت " هاووڵاتی تا نەبێتە خاوەنی تاپۆ یان سەنەد نابێتە خاوەن زەوی و خانوەكەی، هەروەها نرخی تاپۆكردنی خانووبەرە بە یاسا بڕیاری لە سەر دراوە، بەمەش ئەگەر بەراوردی بكەین، لەگەڵ نرخەكانی پێشووتر بەلێ نرخی ئێستا زیاترە، بەڵام لەگەڵ ئەوەشدا هاووڵاتییان لەم بڕیارە سوودمەند دەبن".
كاوە نەجیم، سەرۆكی شارەوانی سۆران، بە زاری كرمانجی راگەیاند " وەك لیژنەی باڵای بەخاوەن كردنی خانووە زێدەرۆییەكان بەپێی یاسای ژمارە (2) ی 2019 ئاگاداری هاووڵاتییانی ناو سنوری سەرۆكایەتی شارەوانی سۆرانمان كردۆتەوە كە بۆ سودمەند بوون لە بەخاوەن كردنی خانووەكانیان، بەپێی یاسای ژمارەی (3)ی 2019 دەتوانن بۆ ماوەیەكی دیاریكراو داواكارییەكانیان پێشكەش بە قائیمقامیەتی سۆران بكەن، بەمەبەستی دەست پێكردنی ریكارەكانی یاسای بەخاوەن كردن، بۆ ئەم مەبەستەش لەئێستادا رۆژانە خەڵكێكی زۆر داواكاریان پێشكەش دەكەن".
سەرۆكی شارەوانی سۆران، ئەوەشی ئاشكرا كرد " بەهەزاران كەس لەم بڕیارە سودمەند دەبن بۆ تاپۆكردنی خانووەكانیان، هەروەها ئەم پارچە زەوایەنەش دەگرێتەوە كە خاوەن داریەتی و بەڵگەیەیان هەیەو كەوتونەتە نێوان خانووەكان لە گەڕەكە كۆنەكاندا، بەڵام ئەم خانووانەی كە كێشەیان هەیە یان زێدەڕۆیەكان كردۆتە سەر شەقام و شوێنە گشتییەكان و لەدەرەوەی نەخشەو ماستەر پلانەكاندان بڕیارەكە نایان گرێتەوەو دەبێت زێدەڕۆییەكانیان لاببرێن".
ئەوەشی خستەروو " بەشێوەیەكی گشتیی لە سەنتەری قەزا بۆ هەر مەترێك زەووی تاپۆكردنی 15 هەزار دینار وەردەگیرێت، بۆ ناحیەكانیش بۆ هەر مەترێك زەووی(8 تا 10) هەزار دینار وەردەگیرێت، لەگەڵ ئەوەشدا هەندێ‌ شوێنی گشتی هەیە نرخی تاپۆكردنی زیاتر، ئەمەش دوای چوونی لێژنەی باڵای بەخاوەن كردنی خانووە زێدەرۆییەكان بڕیاری لەسەر دەدەن.
خەسرۆ ئیسماعیل، بەڕێوەبەری تۆماری خانووبەرەی سۆران، بە زاری كرمانجی گووت " سەبارەت بە گرینگی تاپۆكردنی و تۆماركردنی خانووی هاووڵاتییان خەڵكێكی زۆر لە بڕیارەكە سوودمەند دەبێت، چونكە هەر بە یاسایی بوونێك لە بەرژەوەندی خەڵك دایە، واتە هاووڵاتی تا نەبێتە خاوەنی تاپۆ یان سەنەد نابێتە خاوەن زەوی و خانوەكەی، هەروەها نرخی تاپۆكردنی خانووبەرە بە یاسا بڕیاری لە سەر دراوە، بەمەش ئەگەر بەراوردی بكەین، لەگەڵ نرخەكانی پێشووتر بەلێ نرخی ئێستا زیاترە ".
بەڕێوەبەری تۆماری خانووبەرەی سۆران، ئەوەشی ئاشكرا كرد " هەرخانوێك بە پێی یاساو ڕێكارەكانی كە لە تاپۆ و شارەوانی هەیە درووست نەكرا بێت، بە پێی یاسا بە زێدەڕۆ ئەژمار دەكرێت، هەر گوندێك كەوتبێتە ناو سنوری شارەوانی ئەم بڕیارە دەیگرێتەوە بێجگە لە حەڕەمی گوندەكە، چونكە حەڕەمی گوند بڕیاری تایبەت بەتەملیك كردنی جیا لەو بڕیارەی ژمارە 3 ساڵی 2019 هەیە.
لەلای خۆیەوە عەبدولقادر ئیسماعیل، بەرپرسی راگەیاندنی قائیمقامیەتی قەزای سۆران، بە زاری كرمانجی گووت " لەلایەن لێژنەی باڵای بەخاوەن كردنی خانووە زێدەرۆییەكان بەپێی یاسای ژمارە (2) ی 2019 ئاگاداری هاووڵاتییانی ناو سنوری سەرۆكایەتی شارەوانی سۆران كردۆتەوە كە بۆ سودمەند بوون لە بەخاوەن كردنی خانووەكانیان، بەپێی یاسای ژمارەی (3)ی 2019 دەتوانن بۆ ماوەیەكی دیاریكراو داواكارییەكانیان پێشكەش بە قائیمقامیەتی سۆران بكەن، بەمەبەستی دەست پێكردنی ریكارەكانی یاسای بەخاوەن كردن".
ئەوەشی ئاشكرا كرد، دوای بڵاوكردنەوەی ئاگاداریەكە واتە تەنها لەماوەی ئەم چەند رۆژەدا 300 كەس لە سۆران داواكاریان پێشكەش بە لیژنەی باڵای بەخاوەن كردنی خانووە زێدەرۆییەكان لە قائیمقامیەتی سۆران كردووەو بەردەوامیش بۆ ئەم مەبەستە سەردانمان دەكەن".

بیروڕا

زۆرترین بینراو