زیاتر لە 550 پیشەوەر و شوفێر سزا دران

زیاتر لە 550 پیشەوەر و شوفێر سزا دران

زاری كرمانجی: ئەندامی ژووری عەمەلیات لە لیژنەی باڵای بەرەنگار بوونەوەی ڤایرۆسی كۆرۆنا لە سۆران ئاماری 24 رۆژی رابردووی سنووری قەزای سۆرانی بۆ زاری كرمانجی خستەروو.
ئیسماعیل گوندەژۆری، بە زاری كرمانجی راگەیاند" لە ماوەی 24 رۆژی رابردوو لیژنەی ئابووری سۆران، بەهۆی سەرپێچی 20 شوێنی جیاوازی سزای پێ بژاردن داوە، بە بڕی 565 هەزار دینار، هەروەها داخستنی 238 شوێن كە سەرپێچی رێنماییەكانیان كردبوو، بەڕێوەبەرایەتی هاتووچۆی سۆرانیش سزای سەرپێچی 295 ئۆتۆمبێلیان تۆمار كردووە و بڕەكەی 14 ملیۆن و 620 هەزار دینار بووە، بەڕێوەبەرایەتی بەرگری شارستانی سۆرانیش 400 هەزار مەتری دووجای دەرمان رشێن كردووە".
ئیسماعیل گوندەژۆری زیاتر گووتی" تیمەكانی لیژنەی ئابووری لە ژێر چاودێری قائیمقامی سۆران زیاتر كاروچالاكییەكانیان دەخەنە ناو بازاڕ بۆ چاودێری زیاتر و نەهێشتنی كەل و پەلی ماوەبەسەرچوو و بەرز نەكردنەوەی نرخ و پێدانی رێنمایی تەندروستی خۆپاراستن لە كۆرۆنا".

 

زۆرترین بینراو