زیانی گەورە بەر یانەكانی پریمەرلیگ كەوتووە

زیانی گەورە بەر یانەكانی پریمەرلیگ كەوتووە

زاری كرمانجی- ئاژانسییە هەواڵییە وەرزشییەكان: تۆڕی بی بی سی سپۆرتی بەڕیتانی زیانی یانەكانی پرێمەرلیگی ئاشكرا كرد، كە بەهۆی بڵاوبوونەوەی ڤایرۆسی كۆڕۆناوە یارییەكانی ئەو خولە وەستاوە.
نزیكەی دوو مانگە سەرجەم چالاكیە وەرزشیەكان لە زۆرینەی وڵاتانی جیهاندا بەهۆی بڵاوبوونەوەی ڤایرۆسی كۆڕۆنا كۆڤید 19 وەستاوە، بەو هۆیەشەوە یانە وەرزشییەكان دووچاری زیانێكی دارایی گەورە بوونەتەوە.
هەمان سەرچاوە ئەوەشی ئاشكراكردوە لە ئەگەری دەستپێكردنەوەی یارییەكان بەبێ ئامادەبونی هاندەر، یانە ئینگلیزیەكان زیاتر لە 340 ملیۆن جونەی ئیستەرلینی زیانیان بەردەكەوێت.
بۆریس جۆنسۆنی سەرۆك وەزیرانی بەریتانیا رەزامەندی نواندوە بۆ ئەوەی لە مانگی داهاتوو یارییەكان دەستپێبكەنەوە، بەڵام بەبێ ئامادەبونی هاندەران لە نێو یاریگەكان.
تۆڕی بی بی سی ئاماژەی بەوەشكردوە دەستپێكردنەوەی یارییەكان دەبێتە سەرچاوەیەكی داهات بۆ یانە ئینلیزیەكان ئەویش بەهۆی پەخشی یارییەكان لە رێكەی شاشەكانی تیڤیەوە، بەڵام ئەو بڕە پارەیە قەرەبووی هاتنە ناوەی هاندەران ناكاتەوە.

زۆرترین بینراو