زەنگ تیپێك كە دەبێ حیسابی بۆ بكرێت

زەنگ تیپێك كە دەبێ حیسابی بۆ بكرێت

 

ئا/ ئومێد خەلیل:
تیپی تۆپی پێی زەنگ لە رواندز چەند ساڵێَكە دامەزراوە و لە كاتی دامەزراندنی تا ئێستا بەشداری چەندین خولی كردووە و چەندین خەڵاتیشی بەدەست هێناوە و لە چەند خولیش بۆتە پاڵەوان.
یەكێك لە یاریزانەكانی ئەم تپیە بە ناوی بێژەن عەلی، گووتی " لەساڵی 2015 بیرۆكەی دامەزراندنی ئەم تیپە لەلایەن یاریزان (پێبۆ خدر ــ ئیتۆ ) درووست بوو، لە بەرواری 23- 6- 2015 تیپی وەرزشی زەنگمان دامەزراند، لەوساتەوە تا ئێستا لەو تیپە خۆشەویستە بەردەوامین، توانیومانە چەند دەستكەوتوو نازناوێك بەدەست بێنین، وەك:
پاڵەوانی خولی شەهیدان2015، پاڵەوانی خولی پلە یەكەكانی ڕواندز لە ساڵەكانی 2016 و 2017، پاڵەوانی خولی سوپەری ڕواندز2017، پاڵەوانی خولی پلە یەكی ڕواندز 2018.
ئێستاش بەشدارین لە خولی سوپەری ڕواندز، لەژێر سەرپەرشتی لیژنەی تیپە میللییەكانی ڕواندز
لەناو ڕواندز بەشداری هەشت خولمان كردووە، لە پێنجی بوینەتە پاڵەوان".
بێژەن عەلی زیاتر گووتی " لە دەرەوەی ڕواندزیش بەشداری خولی ئیدارەی ڕاپەڕینمان كردووە، بەڵام لەسەرەتای خول بەهۆی بەشداربوونی یانەی ڕواندز لە خولی پلەیەكەكان، لە خولەكە كشاینەوە، چونكە هەشت یاریزانی تیپەكەمان لە پێكهاتەی سەرەكی یانە دابوون. بە لەبەر چاو گرتنی بەرژەوەندی یانەی ڕواندز و شارەكەمان لە خولەكە كشاینەوە".
ئەم یاریزانە لەبارەی پێكهاتەی ئیداری تیپەكە گوووتی " راهێنەری تیپەكەمان، كەبیر ئەحمەدە و
یاریدەدەری ڕاهێنەریش زیرەك یوسف، كرێكار عەلی وەك سەرۆكی تیپ ئەرك دەبینێت و
داراییش لەئەستۆی شوان ڕسولە، هەروەها بارزان عەلی لە رووی ڕاگەیاندنەوە ئەركی پێ سپێردراوە و بەرێوەبەری گشتی تیپەكەش بەڵێن ئەنوەرە".

 

 

 

 

 

بابەتى پەیوەندیدار وەرزشى

زۆرترین بینراو