سارای پایز ڕۆمانی بەردی سێبوری بە چاپ گەیاند 

سارای پایز ڕۆمانی بەردی سێبوری بە چاپ گەیاند 

 

محەمەد ئامۆكەیی – سلێمانی: خانمە شاعیر سارای پایز یەكێك لەو ئافرەتانەی دەمێكە هاتۆتە مەیدانی ئەدەب و دەستی بەنوسینی شیعركردوە، ئەم ساڵ لە هەستا بەچاپ گەیاندنی ڕۆمانی بەردی سێبوری كە نوێترین ڕۆمانەیەتی ئێستا لە دەزگای رۆشنبیری جەمال عیرفان دەست دەكەوێت، سارای پایز لە بارەی نوێترین ڕۆمانەكەی بەزاری كرمانجی راگەیاند"هەموومان پێویستمان بەخاڵی كردنەوەی ناخی خۆمانە ئەو كەسانەی دەست و پەنجەیان لەگەڵ هونەردا نەرمكردووە، ئاسانتر ئەتوانن لەو ڕێگەیەوە پەیامەكانی خۆیان بگەیەنن، لێرەشدا جەنگ ئەو ئەنتا گونستەیە كە هۆكاری سەرەكیە بۆ لێككردنی عاشقەكان لە مەعشقەكان، بەدرێژایی ژیان بەو جۆرەبووە، لە ڕۆمانی بەردی سێبوری باس لە جەنگی جیهانی دووەم دەكات كە یەكەم كارەكەر دەكاتە قوربانی دواتر جەنگی جیهانی ئێران و عێراق، دوو عاشقی تر لەیەك دەكات، كۆتا جاری لە جەنگی بێدەنگ و سەردەمی لەناكاو دیار نەمان و كوشتنی لەناكاودا دوو عاشقی تر لێك دەكات، بەڵام ژیان بەردەوامە بە هاوشانی جەنگ دەڕوات.

سارا ئەوەشی گووت" بەردی سێبوری لە 120 لاپەڕە پێكهاتوە كارەكتەرەكانی ناو ئەم ڕۆمانەش هەریەكەو لەڕێگەی هونەرەكەی خۆیەوەو بەجۆرێك باس لە ئازاری لەدەستدانی خۆشەویستەكەی دەكات.

بابەتى پەیوەندیدار جۆراوجۆر

زۆرترین بینراو