سوپای تورکیا زیاتر داخلی خاکی سیدەکان بووە و تەنها 800 مەتر لە ئاوایەکان دوورە

سوپای تورکیا زیاتر داخلی خاکی سیدەکان بووە و تەنها 800 مەتر لە ئاوایەکان دوورە

 

موڕشید برادۆستی - سیدەکان: ماوەی دوو رۆژە تورکیا بە بیانووی لێدان لە چەکدارانی پەکەکە بەردەوام بۆردومان و تۆپبارانی دەڤەری برادۆست دەکات و بەڕێوەبەری ناحیەی سیدەکانیش دەڵێت" هێزێکی نوێی سوپای تورکیا داخلی خاکی کوردستان و سنوورەکەمان بووە .

دوو ساڵ بەر لە ئێستا, هێزێکی پیادەی سوپای تورکیا بە چەکی قورس و سووکەوە بە مەودای زیاتر لە 27 کیلۆمەتر داخلی خاکی کوردستان لە سیدەکان بووە و لە ناوچە شاخاوی و ستراتیژیەکانی ناوچەکە جێگیر بببوون .

ئیحسان چەلەبی بەڕێوەبەری ناحیەی سیدەکان بە زاری کرمانجی راگەیاند" كاتژمێر 5ی ئیوارەی دوینێ دووشەم، وڵاتی توركیا بە چڕی بنكە و بارەگاكانی پەكەكە لە سنووری سیدەكان بۆردومان و تۆپبارانکردووە و هەریەک لە گۆشینە و دێوانە و گۆڕی سێو، دۆڵی شێخ لە بەرمیزە و خواكوڕك و خنێرە و لۆڵان و سنین کراوەتە ئامانج و تا ئەمڕۆش بەردەوامی هەبووە.

زیاتر گووتی " لە هەمان كات ئەو هێزەی سوپای توركیا كە لە چیا دێل جیگر ببوو زیاتر داخلی خاكی كوردستان و سنووری سیدەكان بووە، بە شێوەیەك تەنها 800 مەتر لە گوند و ئاوایەكانەوە دوورن .

بەڕێوەبەری ناحیەی سیدەكان ئاشكراشی دەكات " لە ئێستادا سوپای توركیا 30 كیلۆمەتر بە قوولی و 52 كیلۆمەتریش بە پانی داخلی سنووری جوگرافیای ناحیەی سیدەكان بووە و لە گۆشینە، شەكیو، دێواانە، نزیك سیرانیش لە دجەتی هێرتێی سەر بە ناحیەی سیدەكان نیشتەجێ بوونە تەنها چەكی سووكییان پێییە و هێشتا قەرەقۆڵی سەربازیان درووست نەكردووە .

ناوبراو نایشارێتەوە, ترس و دڵەراوكێی زۆر لای هاووڵاتییانی گوندەكانی سیران، خەلیفان، گۆڕەشێر، ئاڵەكان، لێلكان، ناومێرگان لە سنووری کارگێڕیمان درووست بووە و ئەگەر تۆپباران و بۆردومانەكان لە نزیك ئەو گوندانە بەردەوامی هەبێت ئەگەری هەیە هاووڵاتییان ئاوارە و دەر بەدەر دەبن .

بە گووتەی ئەو بەرپرسەی حكومەت لە سیدەكان, حكومەتی هەرێم بە فەرمی هیچ هەماهەنگییەكی لەگەڵ چەكدارانی پەكەكە و سوپای توركیا نییە .

زۆرترین بینراو