سیدەكان... ناوچە سنووریەكان بۆردومان كران

سیدەكان... ناوچە سنووریەكان بۆردومان كران

مورشید برادۆستی - سیدەكان: درەنگانی شەوی رابردوو, فڕۆكە جەنگییەكانی توركیا بۆردومانی ناوچە سنووری و كوێستانەكانی سنووری ناحیەی سیدەكانی كرد و ترسی زۆری لای هاووڵاتیان دروست كردووە.
سەرچاوەیەكی ئەمنی لە سیدەكان بە زاری كرمانجی راگەیاند" شەوی رابردوو لەلایەن فڕۆكە جەنگیەكانی توركیا گوندی بێركم و سنین و خواكوڕك بۆردومان كران، خۆشبەختانە هیچ هاووڵاتییەكی سڤیل زیانی گیانی پێنەگەیشتووە و زیانی پەكەكەش نەزانراوە.
زیاتر گووتی" لە دەڤەری برادۆست ماوەی چەندین ساڵە چەكدارانی پارتی كرێكارانی كوردستان " پەكەكە "ی لێیە, ژمارەیەك ناوچەی ستراتیژی دەڤەرەكەی داگیر كردبوو, بەڵام لەترسی بۆردومان و تۆپبارانەكانی توركیا پەكەكە هیچ ناوچەیەكی بەدەستەوە نەماوە.
ئەو سەرچاوەیە ئاماژەی بەوەشكرد" لە ئێستادا چەكدارانی پەكەكە تەنها شەڕی پارتی زانی دەكەن, ئەمەش وای كردووە توركیا بە هەڕەمەكی تۆپباران و بۆڕدومانی دەڤەركەمان بكات و بەم هۆیەش لە رابردوو چەندین هاووڵاتی زیانی گیانی و ماددییان پێگەیشتووە .
شایەنی باسە, رۆژانە خەڵك بۆ گژوگیای بەهارە و پەیدا كردنی بژێوی ژیان روو لە كوێستانەكان دەكەن لە كاتێكدا لەلایەن توركیاوە ئەو ناوچانە بەچڕی بۆردومان دەكرێن".

 

زۆرترین بینراو