سەرۆكی پەیمانگەی سابی بۆ راوێژی سیاسی مەترسییەكانی سەر هەرێم دەخاتەڕوو

سەرۆكی پەیمانگەی سابی بۆ راوێژی سیاسی مەترسییەكانی سەر هەرێم دەخاتەڕوو

دیمانە/ محەمەد ئامۆكەیی - هەولێر: ئێران لە بەردەم تەقینەوەیەكی مەزن و بە سوریە بووندایە و توركیاش لە لێواری گێژاوێكی سەختی ئابووری و تەنگژەی پەیوەندی نێودەوڵەتی، دۆخی سوریە و عێراقیش جارێ ئومێدی ئاسایی بوونەوەی لێ بەدی ناكرێت، كورد دەبێ چی بكات و چۆن مامەڵە بكات، پرسیارێك كە وەڵامدانەوەی ئاسان نییە، لەبەر ئەوەی هاوكێشەكان زۆر رەهەندی و قورسن، بۆ گفتوگۆكردن لەسەر ئەم پرسە ئاشنا بابان، مامۆستای ششزانستە سیاسییەكان و سەرۆكی پەیمانگای سابی بۆ راوێژی سیاسی، لە دیدارێكی زاری كرمانجی تیشك دەخاتە سەر بارودۆخی ناوچەكەو ئەو گۆڕنكاریانەی روودەدەن و رایدەگێنێت" ئاشكرایە لە مێژەوە ناوچەی ڕۆژهەڵاتی ناوەڕاست ناوچەیەكی گەرم و پڕ لە كێشمە كێشی سیاسی بووە جگە لە وەی كە هەمیشە جێگەی یەكلایەكردنەوی كێشە سیاسیە جیاوازە نیودەوڵەتی و هەرێمی بووە، كوردستانیش وەك ئەزانین باجی ئەوكێشانەی داوە و چەوساوەنەوی نەتەوەی داوە لەم رۆژگارەی ئەمڕۆشدا بەهەمان شێوە باجی كێشە سیاسییە هەرێمی و نیودەوڵەتی دەدات و بۆتە ستەیجی ململانیەكان بە هۆكاری كە جیوپۆلتیكی ناوچەی كوردستان گرنگی خۆی هەیە و هەمیشە وڵاتان چاویان لەسەر ئەم ناوچەیە و نەتەوەی كورد بۆتە قوربانی ئەو كێشەوململانێانە."
سەرۆكی پەیمانگای سابی بۆ راوێژی سیاسی ئەوەشی خستەڕوو" هەرێمی كوردستان لە سنووری رۆژهەڵاتیەوە وڵاتی ئێرانە كە لە سەردەمی سەفەویەكان وە بە قتل و عامی نەتەوی كورد و داگیركردنی كوردستان درێغی نەكردوە و دوژمنی سەرسەختی كوردە و تاكو ئەم ساتە وەختەش بەردەوام لە دژایەتی هەرێمی كوردستان هەموو رێگایەك دەدۆزیتەوە بۆ شكستپێهینانی ئەو كیانەی كە هەرێمی كوردستانەوە دیفاكتۆیە، لەم دوایانەدا دەبینین سیستمی سیاسی و حوكمرانی ئێران بەرەو ڕوی كۆمەلێك كێشەو گرفتی بەردەوام دەبێتەوە كە وڵایەتە یەكگرتوەكانی ئەمریكا و وڵاتانی ئەوروپا فشاریان خستۆتەسەر كە (پیتاندنی یورانیوم) و چەكی ئەتۆمی تاقی دەكاتەوە جگە لە وەی ئیسرائیل كە بەردەوام لە گەل ئێران خۆیان لە سەنگەر ناوە بۆ ڕوبەروبونەوەی یەكتر لە سەر دەستی حوكمڕانی ترامپ ئێران روبەڕوی كۆمەڵێك كێشەی سیاسی و گەمارۆی ئابووریی بەسەر ئێران سەپاند و بەهای دراوی داڕما جگە لە وەی كە ڤایرۆسی (كۆڤید-19 ) كۆرۆنا وڵاتی ئێرانی بەتەواوی داگیركرد و بۆتە مۆتەكە و كێشەكانی هێندە زیاد كردووە، عێراقی دوای عادل عبدالمهدی، گورزێكی چاوەڕوان نەكراوی ترە بۆ ئێران بە پاڵپشتی ئەمریكا و هاوكاری نەكردنی شیعەكان جارێكی تر ئێرانی تووشی شۆككردوو تابێت بارودۆخی خراپتر دەبێت وسیستمی ئابووریی وڵاتەكەی بەردەوام لە هاتنە خوارەوەدایە بەجۆرێك لە روە كۆمەڵایەتییەكەوە ژیان و گوزەرانی تاكی خستۆتە بەردەم مەترسی و بەردەوام لە چاوەڕوانی تەقینەوەی بارودۆخەكە دەكرێت."
دەشڵێت" كورد وەك هاوكێشەیكی سیاسی و یەكلاكردنەوەی ململانێیەكان لەناو ئەو هاوكێشیە دەبێت چۆن و چی بكات تاكو بتوانێت لە پێناو پاراستنی كیانی هەرێمی و مامەڵەی سیاسی تەندروست وەك هاو سنوورێك تایی تەرازوی رابگرێت، لە باكوری سنووری هەرێمی كوردستانەوە كە وڵاتی توركیا و ئیمپڕاتۆریەتی عوسمانی پێشوە و بەهەمان عەقڵی جاران كار لەسەر بنبڕكردنی نەتەوی كورد و سڕینەوەی دەكات، بەردەوام لە پلان و بەرنامەیدایە بۆ داگیركردنی كوردستان و ولایەتی موسل و كەركوك، جگە لەوەی تازە حكوومەتی توركیا ئایا سۆفیایی وەك (مزگەوتێك و شوێنی عیبادەت) كرد كە ئەوە بابەتێكی گرنگە و رەهەندێكی سیاسییە هیچی تر نیە چونكە 24/تەموزی 1923 كە رۆژی رێكەوتن نامەی لۆزانە لە هەمان رۆژ كە 24/تەموزی /2020 ئەردۆغان نوێژی هەینی لەوێكرد، ئەمانە رێكەوتن نین بەڵكو پلان و بەرنامە رێژی دوورو درێژی هەیە و جگە لەوەی لەگەڵ لیبیا و میسر كێشەی و ململانێی سیاسی دروستكردووە و بەردەوام توركیا رۆڵێكی گرنگی هەیە لە ناوچەكە بە تێكدانی ئارامی و شلەقاندنی ئاسایش و ناردنی هێز بۆ شەڕی گەریلاو بۆمبارانكردنی چیاكانی كوردستان, سیاسیەتی توركیا بەرامبەر كورد لە مێژەوە و بوونی هەرێمی كوردستان لە باشوری عێراق بوتە چقلێك لە چاوی هەموو دوژمنانی كورد، هەرێمی كوردستان لە بازنەیەكی پڕ بارگاویدا دەخولێتەوە كە لە هەموو لایەكەوە بارگاویە بۆ دژیاتەتی و نەهێشتنی دەستكەوتەكانی."
ئاماژەی بەوەشكرد" لە سنووری خۆرئاوایی هەرێمی كوردستان كە سوریایە و دەزانین هەر لە كاتی سەرهەڵدانی بەهاری عەربیەوە سیستمی حوكمرانی سوریا لە گێژاوی مان و نەمانە و سەرهەڵدانی گروپی داعش و نەهامەتی و نائارامی و ناجێگری ئاسایشی ناوچەكەی بە جارێك تێكداوە، بێگومان هەرێمی كوردستانیشی بەر شەپۆل و بڕیشكی شكستی ڕژێمی ئەسەد كەوتوە كاریگەری زۆری هەیە لەسەر ئارامی ناوچەكە، هەموو ئەوانە و سەرباری هەموان حكوومەتی ناوەندی عێراق بۆخۆی خروقاتی دەستوری و یاسا یی وسیاسی بەرامبەر هەرێم دەكات، لەهەموو ڕوەكانەوە هەر لە مادەی 140 و ناوچە كێشە لەسەرەكانەوە بیگرە تا دەگاتە بڕینی موچەو قوتی هاووڵاتیانی هەرێم و هاتنی مستەفا كازمیش كە ڕەنگە چارەسەری ئەوتوی پێنەكرێت لەبەرامبەر كێشە هەڵپەسیراوەكاندا".
ئاشنا بابان، گووتیشی" هەموو دەرئەنجامێكی ئەوانەی سەرەوە باسم لێوەكردن بۆمان ڕوندەبێتەوە كە كورد وەك هاوكێشەیەكی چەق بەستوی ناوەند هەموو گرفتەكانی كە ئاماژەم پێكردن بۆخۆی لە بارودۆخێكە كە ئیرەیی پێ نابرێت بەمانای هەرێمی كوردستان لە ژێر فشار و كارێگەری هەموو ئەو گرفت و كێشە و ململانە ناوچەی و نێودەوڵەتییەكان گوزەر دەكات، بەڵام بە ڕایی من لەگەڵ هەموو ئەو كاریگەریانەش هەرێمی كوردستان وەك چەقی هاوكێشە ئاسا مانەوەی بەردەوامە و هۆكاری راگرتنی هەموو لایەنە گرژی و كێشەكان تەوازن دەكات لەگەڵ ئەوەی خۆی لە روی سەروەریی و سیادیەوە هێشتا بەدەوڵەت ئەژمار ناكرێت هێشتا هەرێمێكی ناو عێراقی فیدرالە، بەڵام تەوازن و بەلانسی كێشەكانی ڕاگرتوە بیرمان نەچێت كە هەموو فشارێی ناوچەكە لەسەر كوردستان دەهێندیە بە رەچاوكرتنی بچوكی و نەبونی كۆمەڵێك دەستەڵاتی دەرەكی لەم بارودۆخە ئاڵوزە دەبێت كورد جیبكات؟ لەبەر گرنگی بابەتی و ناوچەیی هەرێمی كوردستان كە دەوڵەتی سەربەخۆ نیە و چەقی هاوكێشەی سیاسی گرنگ و فرە ڕەهەندە باری سەرشانی كورد زۆر قورس و ئاڵوزە لە كاتێك هەموو لایەنەكانی باسمان كرد لە پاش ڕیفراندۆم بو ناجێگیری بارودۆخی كورد، هەموو دەستوەردانێكان كردوو لە ڕوە ئابوروریەكەوە زۆر كاریگەری هەبوو كە تا ئەم ساتە وەختەش بۆتە هۆكارێك لە پێناو چۆك دانان و ڕازیبونی بە مەرجە رەهندە سیاسییەكانی حكوومەتی ناوەند، وەك دەزانین سیاسیەت و ئابووریی دووڕوی یەك دراون بەمانای بەهێزی ئابووری و ژێرخانی ئابووریی بەهێزی هەموو لایەنە سیادی و سیاسیەكانی وڵاتە و كوردستان پێوستە لە پێناو بەرگەگرتنی فشارەكان و مانەوەی وەك هێزیك دەبێت زۆر بە ووریایەوە مامەڵە لەگەڵ هەموو ئەو هێزانەی دەرەوەی سنووری خۆی بكات و بە رێگایی دبلۆماسیانە كێشەكان چارەسەر بكات، هەرچەندە كورد ئەزمونی لە پەیوەندییە نێودەوڵەتی و دبلۆماسیەكانی كەمە، بەڵام دەبێت لەو رێگەیەوە مامەڵەكانی رێكبخات و كار لەسەر مانەوە و بەهێزكردنی پێگەی هەرێمی و نێودەوڵەتی بەهێزبكات و یكگرتنی ناوخۆیی و یەك ڕەنگی و یەكدەنگی لایەنە حزبی و سیاسیەكانی كورد لە گرنگترین هۆكارەكانە و لەهەموو كاتێكدا یەكگرتن دەبێتە هێزی دەوڵەت.

 

زۆرترین بینراو