شارەوانی سیدەكان چەند گەڕەكێك تێكەڵەڕێژ دەكات

شارەوانی سیدەكان چەند گەڕەكێك تێكەڵەڕێژ دەكات

موڕشید برادۆست–سیدەكان: بە مەبەستی ئاسانكاری هاتووچۆی هاووڵاتییان و شوفێران، شارەوانی سیدەكان هەڵساوە بە تێكەڵەڕێژكردنی چەند شەقام و كۆڵانێكی سنوورەكەیان .
سەنتەری ناحیەی سیدەكان لە 12 گەڕەك پێكدێت، ئەوانیش، گەڕەكی فەرمانبەران، گوڵان ، راپەڕین ، ئازادی ، سیدەكانی كۆن ، سەربیش و چەند گەڕەكێكی تر ... نزیكەی هەزار ماڵ لە سەنتەری ناحیە دەژین و بەسەر ئەو گەڕەكانە دابەش بوونە .
عەبدولقادر ئەكڕەم سەرۆكی شارەوانی سیدەكان بە زاری كرمانجی راگەیاند " دووای داواكاریەكی زۆری هاووڵاتییان لە نەبوونی پڕۆژەی خزمەت گوزاری كە هەم لە زستانان لە قوڕو لێتاو دابوون هەم لە وەرزی هاوین لە تۆزە خۆل دابوون، ئێمەش وەك سەرۆكایەتی شارەوانی سیدەكان دەرخستێكمان ئامادە كرد بەمەبەستی چارەسەری سەرتای .
سەرۆكی شارەوانی سیدەكان دەڵێت " خۆشبەختانە توانیمان رەزامەندی وەربگرین لەسەر فەتح كردن و رێكخستنەوەو تێكەڵەڕێژ كردنی بەشێك لە شاقامە نێو خۆیەكانی گەڕەكی فەرمانبەران و لە ئێستادا سەرقاڵی كاركردنین و لە ماوەیەكی نزیك تەواو دەكرێت .
گووتیشی " لە هەمان كات پڕۆژە یەكمان هەیە لە گەڕەكی سیدەكانی كۆن ، ئەویش دروستكردنی دیواری پاڵپشتە بەدرێژای ٣٠ مەتر .
بەپێی زانیاریەكانی دەست زاری كرمانجی كەوتوون، سەرجەم گەڕەك و كۆڵانەكانی سیدەكان ماوەی چەندین ساڵە نۆژەن نەكراونەتەوە و سەرجەمیان پێویستییان بە چاككردن و نۆژەن كردنەوە هەیە

زۆرترین بینراو