فیفا كاتی بەڕێوەچوونی شێوازی نوێی مۆندیالی یانەكان دیار دەكات

فیفا كاتی بەڕێوەچوونی شێوازی نوێی مۆندیالی یانەكان دیار دەكات

زاری كرمانجی- ئاژانسیە هەواڵییە وەرزشییەكان: دوای دواخستنی سەرجەم پاڵەوانەتیەكانی ساڵی 2020، لە نێوانیشیان یۆرۆ و كۆپا ئەمریكا، فیفا وەڵامی یوفای داوەو دواخستی ئەو پاڵەوانەتیانەی بۆ ساڵی 2021 قبووڵ كرد، جگە لەوەی نزیكە كاتی بەڕێوەچوونی یەكەمین پاڵەوانیەتی مۆندیالی یانەكان بە شێوازی نوێ دیار بكات.
بەفەرمی یۆرۆ و كۆپا ئەمریكا دواخران، فیدراسیۆنی تۆپی پێی جیهانیش ئەمەی قبووڵ كردو لە راگەیاندراوێكدا بڵاویان كردۆتەوە، دوای رێكەوتن لەگەڵ حكومەتی چین، وادەی بەڕێوەچوونی یەكەمین پاڵەوانیەتی مۆندیالی یانەكان بە ستایلە نوێیەكەی بڵاو دەكەنەوە.
لە راپۆرتەكەی فیفا هاتووە، پێشنیار دەكرێت كە مۆندیالی یانەكانی داهاتوو، لە یەكێك لە ساڵەكانی 2023,2022,2021 ئەنجام بدرێت، ئەمەش بەهۆی بڵاوبوونەوەی ڤایرۆسی كۆرۆنا لە چین، تاوەكو ئەو وڵاتە بە تەواوی ئامادە دەبێت و پێشوازی لە یەكەم پاڵەوانیەتی بكات.

زۆرترین بینراو