قائیمقامی سۆران دەگۆڕدرێت، زاری كرمانجی ناوی كاندیدەكان بڵاودەكاتەوە

قائیمقامی سۆران دەگۆڕدرێت، زاری كرمانجی ناوی كاندیدەكان بڵاودەكاتەوە


موڕشید برادۆستی–سۆران: ماوەی چەند رۆژێكە گۆڕانكاری لە نێو دام و دەزگاكانی حكومەتی هەرێمی كوردستان دەستی پێكردووە و لە دواین گۆڕانكاریەكانیش قائیمقامی سۆران لادەدرێت و كەسێكی تر لە شوێنی دەست بەكار دەبێت .
ماوەی 14 ساڵ زیاترە، كرمانج عزەت لەسەر میلاكی پارتی دیموكراتی كوردستان، پۆستی قائیمقامی سۆرانی بە دەستەوەیە و بڕیار وایە لە ماوەیەكی نزیكدا گۆڕانكاری بەو پۆستەوە بكرێت و زاری كرمانجی ناوی كاندیدەكان بڵاو دەكاتەوە .
سەرچاوەیەكی ئاگادار كە نەی ویست ناوی ئاشكرا بكرێت بە زاری كرمانجی راگەیاند" بە پێی بەرنامە و پلانی حكومەت، بڕیارە لە ماوەیەكی زۆر نزیكدا گۆڕانكاری لە پۆستی قائیمقامی سۆرانەوە بكرێت و كرمانج عزەت كە قائیمقامی ئێستای سۆرانە بگۆڕدرێت و كەسێكی تر لە شوێنی دابندرێت .
ئەو سەرچاوەیە كە لە نزیكەوە ئاگاداری گۆڕانكاریەكەیە، ئاشكراشی كرد " ناوی ژمارەیەك كاندید بۆ پۆستی قایمقامی سۆران لە لقی 10ی پارتییە كە پێكهاتوون لە ( كاروان كەریم خان گوندەژۆری، عەبدواڵڕەحمان گوانی، مەغدید عەریف ئەحمەد، عەبدوالواحیدرواندزی، جەواد سوار ) لەگەڵ چەند كەسێكی تر، لەم رۆژانە بۆ ئەنجومەنی پارێزگا بەرز دەكرێتەوە و و یەكێكیان دەبن بە قائیمقامی سۆران .

زۆرترین بینراو