كاریگەری خواردنەوە گازییەكان لەسەر جەستە

كاریگەری خواردنەوە گازییەكان لەسەر جەستە

ئا: شەهلا رەشید
خواردنەوە گازییەكان چەندین زیانیان بۆ جەستە هەیە و پزیشكان هەموو دەم رێنمایی هاووڵاتییان دەكەن كە خۆیان لە خواردنەوە گازییەكان دوور بگرن، لێرە هەندێك لە زیانەكانی دەخەینەروو.
- خواردنەوە گازییەكان بڕێكی زۆر ترشی فۆسفۆڕییان تێدایە، دەبێتە هۆی رێگریكردن لە هەڵمژینی كالیسیۆم، توێژینەوەكان سەلماندوویانە خواردنەوە گازییەكان دەبنە هۆی پووكانەوە و نەرمكردنی ئێسك.
- خواردنەوە گازییەكان یەكێكە لە سەرەكیترین هۆكاری قەڵەوی، كە ئێستا بەرۆكی مرۆڤی گرتووە، خواردنەوەی رۆژانەی یەك گڵاس لە خواردنەوە گازییەكان بۆ ماوەی ساڵێك دەبێتە هۆی زیادبوونی نزیكەی 6 بۆ 8 كیلۆ كێشی جەستە.
- خواردنەوە گازییەكان یەكێكن لە هۆكارە هەرە سەرەكییەكانی دروستبوونی چەوری سەر جگەر، بڕێكی زۆر لە شەكری (فرەكتۆز)یان تێدایە، ئەم شەكرە بە رێژەیەكی زۆر زیان بە جگەر دەگەیەنێت.
- سۆدە دەبێتە هۆی زیان گەیاندن بە مینای ددانەكان و دروستبوونی كلۆر، خواردنەوەی هەر قومێك لە سۆدە بۆ ماوەی 20 خولەك لە رێگەی كارلێكی كیمیاویی زیان بە ددانەكانت دەگەیەنێت، بۆیە تا ماوەی خواردنەوەكە زیاتر بێت، زیانی زۆرتر بەر ددانەكانت دەكەوێت.
- لە توێژینەوەیەكدا كە لە سەر 3 هەزار كەس ئەنجامدراوە دەركەوتووە، ئەو كەسانەی سۆدە دەخۆنەوە بە رێژەی %30 ئاستی چالاكی گورچیلەیان دابەزیوە بەراورد بەو كەسانەی سۆدە ناخۆنەوە.
- خواردنەوە گازییەكان بڕێكی زۆر شەكریان تێدایە، دەبێتە هۆی دروستبوونی نەخۆشی شەكرە، هەروەها ئەم خواردنەوانە دەتوانن ببنە هۆی لە دەستدانی توانای خانەكان بۆ وەڵامدانەوەی هۆرمۆنی ئینسۆلین، توێژینەوەكان ئاماژە بەوە دەكەن ئەو كەسانەی رۆژانە خواردنەوە گازییەكان دەخۆنەوە لە %20 تووش جەڵتەی دڵا دەبن.

زۆرترین بینراو