كتێبی بێشعووری لە وەرگێڕانی مەهاباد حەسەن بڵاوكرایەوە

كتێبی بێشعووری لە وەرگێڕانی مەهاباد حەسەن بڵاوكرایەوە

محەمەد ئامۆكەیی-زاری كرمانجی: مەهاباد حەسەن، ماوەی چەندین ساڵە كاری وەرگێڕانی كتێب دەكات، لەو چەند رۆژەی رابردوو نوێترین كتێبی بەناوی بێ شعووری لە نووسینی د. خاڤێر كریمێنت وەرگێرایە سەر زمانی كوردی، لە لێدوانێكی دا بۆ زاری كرمانجی لەسەر ناوەڕۆكی كتێبەكەی گووتی"
ناوەڕۆكی ئەم پەرتووكە باس لەنەخۆشی بێشعووریی دەكات لە كۆمەڵگەكانی ئەمریكای باكووردا و تیشك دەخاتەسەر كاریگەرییە نەرێنییەكانی ئەم دەردە كوشندەیە لەسەر تەواوی لایەنەكانی ژیانی ئادەمیزاد و كۆمەڵ بەگشتی، وەدەرخەری دیوە رەشەكەی كەسایەتی زۆرێك لەتاكەكانە لە هەموو چین و توێژەكاندا، نووسەر جەخت لەوەدەكاتەوە بێشعوورەكان كەسانی گەمژەو گێل نین بەڵكو بلیمەت و لێزان و لەخۆڕازی و خەڵك ئازاردەرن لە كۆتاییشدا چەندین رێگە دەخاتە بەردەست بۆ رزگار بوون لە بێشعووریی، هەروەها بە زمانێكی تەنز و زانستی نووسراوە و لە پێنج بەش پێك هاتووە.
دوای دووجار خوێندنەوەی ئەم پەرتووكە و لێكچوونێكی سەیر لەنێوان ناوەڕۆكی ئەم كتێبە و ژیانی ڕۆژانەی كۆمەڵگەی خۆماندا بەباشم زانی لە زمانی فارسییەوە وەریبگێڕمە سەر زمانی شیرینی كوردی و مشتێك بێت بۆسەر خەرواری كتێبخانەی كوردی.
ساڵی 2015 ئەم كتێبەم كردووە بەكوردی، بەڵا ئەم ساڵ نۆبەتی چاپی هات بە تیراژی 1000دانە؛ لە دووتوێی 275 لاپەڕەدا؛ لەلایەن خانەی چاپ و پەخشی ڕێنماوە چاپ و وەشان كراوە.

زۆرترین بینراو