لە ئاكرێ 12 گوند بەهۆی بۆردومانەكانی توركیا چۆڵ كراون

لە ئاكرێ 12 گوند بەهۆی بۆردومانەكانی توركیا چۆڵ كراون

رەمەزان هەرنی – دینارتە: لە ناحیەی دینارتە سەر بە قەزای ئاكرێ، لە پارێزگای دهۆك هەتا ئێستا 12 گوند بەهۆی بۆردومانی فڕۆكە جەنگییەكانی توركیاوە چۆڵ كراون، كە زۆربەی خەڵكەكە ئاژەڵدار و خاوەن ڕەز و باخ بوون.
شەعبان خەلیل بەرواری، بەڕێوەبەری ناحیەی دینارتە بە زاری كرمانجی ڕاگەیاند" لەبەر بۆردومانی فڕۆكە جەنگییەكانی توركیا بۆ سەر گوندەكانی دەڤەری زێباری لە ناحیەی دینارتە تاكو ئێستا 12 گوند چۆڵ كراون كە زۆربەیان سەرقاڵی ئاژەڵداری و كشتوكاڵ بوون".
گووتیشی" سوپای توركیا بە بیانووی بوونی بنكە و بارەگای گریلاكانی پارتی كرێكارانی كوردستان (PKK) بەردەوام سنووری ئەو گوندەانەیان بۆردومان كردووە و خەڵكەكەش ناچار بوون لە ترسی گیانیان گوندەكەیان چۆڵ بكەن و لە ناوچە و گوندەكانی دیكە نیشتەجێ بوون".
ئاماژەی بەوەشكرد" دانیشتوانی ئەو 12 گوندەی كە چۆڵ كراون بەم زستانە سەختەدا لە گوندەكانی گربیش، بامشمش و جێگەكانی دیكە نیشتەجێ بوون و لەبەر هێرشی فڕۆكە جەنگییەكانی توركیا كە بەردەوام ئەو دەڤەرانە بۆردومان دەكەن، ناوێرن بگەڕێنەوە شوێنی ژیانی خۆیان و ئەمەش بووەتە گرفتی سەرەكی و ترس و دڵەڕاوكیی دانیشتوانی ئەو دەڤەرە".

زۆرترین بینراو