لە باڵەكایەتی پەكەكە بۆتە سەر ئێشە و چەندین گوند ئاوەدان نەكراونەتەوە

لە باڵەكایەتی پەكەكە بۆتە سەر ئێشە و چەندین گوند ئاوەدان نەكراونەتەوە

بەرپرسی لقی 26ی گوڵان لە دەڤەری باڵەكایەتی رایگەیاند، پەكەكە نەك تەنیا لە سنووری باڵەكایەتی، بەڵكو لە هەموو ناوچە سنوورییەكانی كوردستان بۆتە كێشە و لە ناوچەكە لەبەر پەكەكە كۆمەڵێك گوند ئاوەدان نەكراونەتەوە و خەڵكی ئەو ناوچانە ناوێرن بگەڕێنەوە سەر ماڵ و حاڵی خۆیان و بۆتە سەر ئێشە بۆ ئەوان.
حەسەن حەدۆ، بەرپرسی لقی 26ی گوڵان لە دەڤەری باڵەكایەتی بۆ ماڵپەڕی زاری كرمانجی دیاركرد:" پەكەكە نەك تەنیا لە سنووری باڵەكایەتی، بەڵكو لە هەموو ناوچە سنوورییەكانی كوردستان بۆتە كێشە بۆ خەڵكی ئەو ناوچانە، لە دەڤەری باڵەكایەتی كێشە و گرفت بۆ خەڵكی ناوچەكە دروست دەكەن، بەتایبەتی ئەو خەڵكەی كە كۆچەر و رەوەندن لێ ناگەڕێن بە هاوینان كۆچ بكەن بۆ ناوچە كوێستانییەكان بۆیە پەكەكە بۆتە بابەتی سەر ئێشە بۆ خەڵكی ئێمە.
بەرپرسی لقی 26ی گوڵان لە دەڤەری باڵەكایەتی دەشڵێ:" ژمارەیەك گوند كە پێشتر لەبەر پەكەكە چۆڵكرا بوون، تا ئێستا ئاوەدان نەكراونەتەوە، لەبەر بنكە و بارەگاكانی پەكەكە خەڵكی ئەو گوندانە ناوێرن بگەڕێنەوە سەر ماڵ و حاڵی خۆیان".

زۆرترین بینراو