لە دەڤەری بارزان خێزانێك كارگەیەكی‌ هاڕینی سماق دادەنێت

لە دەڤەری بارزان خێزانێك كارگەیەكی‌ هاڕینی سماق دادەنێت

ئا: رەمەزان هەرنی
خێزانێكی شارۆچكەی بڵێ لە دەڤەری بارزان، كارگەیەكی هاڕینی سماق دادەنێت و رۆژانە 50 بۆ 200 كیلۆ سماق دەهاڕێت.
كرمانج چالی، خاوەنی كارگەی هاڕینی سماق لە دەڤە ری بارزان بە زاری كرمانجی گوت:" بەهۆی ئەوەی باشترین جۆری سماق لە دۆڵی زێبارێ سەر بە شارەدێی دینارتە دەست دەكەوێت و لەو شارەدێیە نزیكین، بۆیە ئەم بیرۆكەیە بۆمان هات و كارگەی چالی مان دانا و سماق دەهاڕین.
چالی، روونیشیكردەوە:" ڕۆژانە لە نێوان 50 بۆ 200 كیلۆ سماق دەهاڕین و دەخەینە ناو كارتۆنی تایبەتی 100 گرامی، پلانمان هەیە لە داهاتوودا پەڕە بە كارەكەمان بدەین و هەڵی كار بۆ كەسی تریش بڕەخسێنین، كارتۆنی 200 تا 400 گرامی زیاد بكەین.
خاوەنی كارگەكە ئەوەشی گوت:" لە دەڤەری زێبار سێ جۆر سماق هەیە، وەك سماقی سوور، بارۆكی و سپی، باشترین جۆرەكانی سماق لە كوردستان لەم دەڤەرە هەیە، لەبەر ئەوەی كەس نەبوو گرنگی بە هاڕینی سماق بدات، جووتیاران زۆر بە هەرزانی لە ناوخۆ و دەرەوەی كوردستان دەفرۆشن، بەڵام ئێستا ئێمە خۆمان بە كوالێتی بەرز و بە لەبەرچاوگرتنی تەواوی ڕێنماییەكانی تەندروستی ئەم كارە دەكەین و بۆ هەر سێ پارێزگای هەولێر، دهۆك و سلێمانی رەوانە دەكەین.
لە دۆلی زێباری سەر بە شارەدێی دینارتە، زیاتر لە پێنج هەزار ڕەزی تایبەت بە سماق هەیە، ساڵانە زیاتر لە 15 هەزار تۆن سماق بەرهەم دێت".

زۆرترین بینراو