لە شەقڵاوە ئاگر بڕی دەستكرد دروست دەكرێت

لە شەقڵاوە ئاگر بڕی دەستكرد دروست دەكرێت

محەمەد ئامۆكەیی
بەهۆی هاتنی وەرزی هاوین و بەرزبوونەوەی پلەكانی گەرماو ئەگەری دروستبونی ئاگر لە پوش و پاوانی سنوورەكە، هۆبەی دارستانی شەقڵاوە، دەستی كرد بە لێدانی ئاگر بڕی دەستكرد.
سیروان سەعید بەرپرسی هۆبەی دارستانی شەقڵاوە، بۆ زاری كرمانجی گووتی" بەهەولی ژمارەیەك ژینگە پارێزی ناوچەكە، هەستاین بە دروستكردنی ئاگر بڕی دەستكرد بەمەبەستی رێگری كردن لە دروستبوونی ئاگری گەورە، كە ساڵانە بەهۆی كەوتنەوەی ئاگر رووبەرێكی بەرچاو لە پوش و پاوان و درەختی هاووڵاتیان لە نێو دەچێت.
بەرپرسی هۆبەی دارستانی شەقڵاوە، ئاماژەی بۆ ئەوەشكرد" بە دروستبوونی ئەو ئاگر بڕە دەستكردانە مەترسی كەوتنەوەی ئاگر و لە نێو چوونی پوش و درەختەكان كەمتر دەبێت،" ئەو هەڵمەتەش بۆ 40 رۆژ بەردەوام دەبێت و هاوكاری ماددی ژینگە پارێزەكانیش لە ئەستۆی ڕێكخراوی gizی ئەڵمانیەوەیەو رۆژانە بڕێك هاوكاری ماددیان لە هەمبەر كارەكەیان پێ دەدرێت.

زۆرترین بینراو