ماوەی 23 ساڵە شەربەت بۆ زۆربەی پارێزگاكانی كوردستان دروستدەكات

ماوەی 23 ساڵە شەربەت بۆ زۆربەی پارێزگاكانی كوردستان دروستدەكات

رەمەزان هەرنی – زاری كرمانجی : لە شارۆچكەی دینارتە لە سنووری قەزای ئاكرێ هاووڵاتیەك ماوەی چەندین ساڵە دوو جۆر شەربەتی سروشتی دروستدەكات جگە لە سنووری پارێزگای دهۆك بە گشتی لە هەر دوو پارێزگای هەولێر و سلێمانی خواست لەسەر ئەو شەربەتە هەیە كە لە دینارتە دروستدەكرێت.
ئیلهام زێباری، خاوەنی شەربەتی سروشتی لە دینارتە بە زاری كرمانجی گووت:" لە ساڵی 1997 تا ئێستا بەردەوام دوو جۆر شەربەت لە ماڵەوە دروستدەكەم كە سروشتین و هیچ رەنگ و تام و بۆنێكی دەستكرد لەناو نیە تەنیا مێوژ و پونگ بەكاردێنم خواستێكی زۆر لەسەر هەیە.
دەشڵێ:" ئەو شەربەی دروستدەكەم دوو جۆرن شەربەتی پرتەقال و مێوژ، بەڵام خواست لەسەر شەربەتی مێوژ زیاترە جگە لە پارێزگای دهۆك و قەزاكانی لە هەر دوو پارێزگای هەولێر و سلێمانی بۆ كڕینی شەربەت سەردانی دینارتە دەكەن هەندێك بۆ پێداویستی خۆیان و هەندێك بۆ فرۆشتنەوە".
خاوەنی شەربەتی سروشتی لە دینارتە ئاماژەی بەوەشكرد:" بەهۆی قەدەغەی هاتووچۆ ئەمساڵ توزێك كێشە بۆ هاووڵاتیان دروست بووە، بەڵام ئەوانەی لەسنووری هەولێر ناتوانن سەردانی قەزای ئاكرێ و پارێزگای دهۆك بكەن بە كۆمەڵ شەربەت بۆی دەگوازمەوە بۆ بازگەی قەندیل و لەوێ رادەستی خاوەنەكەی دەكەم و ئەمساڵ چەندین جار لە پیرمام و هەولێر هاووڵاتیان بۆ شەربەت هاتوونە دینارتە.
ئیلهام زێباری، ئەوەشی خستەڕوو:" شەربەت سرووشتیە و هیچ كەرەستەیەك بۆی بەكارناهێنم مێوژ لە پارێزگای سلێمانی دەكڕم لەگەڵ پونگ تێكەل دەكەم و شەربەتی مێوژ لێی دروست دەكەم و خواستێكی زۆری لەسەر هەیە.
لە كۆتایی دا ئیلهام زێباری، خاوەنی شەربەتی سروشتی لە دینارتە ئاماژەی بە نرخی شەربەتەكەی كردوو گووتی:" شەربەتی مێوژ 2 كیلۆ بە 1500 دەفرۆشم و شەربەتی پرتەقال 2 كیلۆ بە 1250 دینار دەفرۆشم، لە هەر چوار وەرز بەردەستە و خواست لەسەر هەیە، بەڵام ساڵانە لە مانگی رەمەزاندا خواستەكە زیاتر دەبێت".

زۆرترین بینراو