منداڵێك لە لاسایی كردنەوەی دیمەنێكی درامایەكی توركی خۆی كوشت

منداڵێك لە لاسایی كردنەوەی دیمەنێكی درامایەكی توركی خۆی كوشت

زاری كرمانجی : ماڵپەڕی خەندان بڵاو كردەوە، كە بە پێی هەواڵەكانی میدیای لوبنانی، منداڵێكی تەمەن هەشت ساڵ، لەكاتی یاریكردندا هاوشێوەی دیمەنی زنجیرە درامایەك خۆی هەڵدەواسێت و بەو هۆیەوە ژیانی لە دەستدەدات.
میدیای فەرمی لوبنان لەوبارەیەوە رایگەیاندووە " ئەو منداڵە هەشت ساڵانە كە دانیشتوی ناوچەی رەوزە-ی رۆژئاوای لوبنانە، لەگەڵ هاوڕێكانیدا پێكەوە یارییان كردووە و لاسایی دیمەنەكانی ناو یەكێك لە زنجیرە دراما توركییەكانیان كردۆتەوە كە لە مانگی رەمەزان لە كەناڵە تەلەڤزیۆنییەكانی ئەو وڵاتە پەخش دەكرێت. یەكێك لە دیمەنەكانی ئەو زنجیرە درامایە بەناوی ( تۆ باسی بكە دەریای رەش)، هەڵواسینی ئەكتەرێكی تێدایە و ئەو منداڵەش هاوشێوەی دیمەنەكە قەیتانی قۆنەرەكانی بە ئاسنی یەكێك لە پەنجەرەكانی ماڵەكەیانەوە بەستۆتەوە و چەند سەرینێكی خستۆتە سەریەك و خۆی بە پەتەكەدا هەڵواسیوە".
بەگوێرەی زانیارییەكان " دوای ئەوەی منداڵەكە خۆی هەڵواسیوە دڕكە پەتكی شكاوە و ئەوەش بۆتە هۆی ئەوەی دەستبەجێ بخنكێت و گیان لە دەستبدات".

 

زۆرترین بینراو