مەسیحییەكان حەوت گوندیان چۆڵكردووە

مەسیحییەكان حەوت گوندیان چۆڵكردووە

 

رەمەزان هەرنی

پەرلەمانتارێكی مەسیحی لە پەرلەمانی كوردستان, گلەیی لە حكوومەتی عێراق دەكات كە هیچ هەنگاوێكی جددی نەهاویشتووە بۆ راگرتنی بۆردومانی فروكە جەنگییەكانی توركیا لە دەڤەرە مەسیحینشینەكان لە دەڤەری ئاكرێ.

كلارا عۆدیشۆ، سەرۆكی فراكسیۆنی كلدانی و سریانی و ئاشوری لە پەرلەمانی كوردستان بە زاری كرمانجی گۆت:" مەسیحیی نشینەكانی دەڤەری نەهلە لە قەزای ئاكرێ بەردەوام لە ترس و دڵە راوكێ دا دەژین بە هۆی بۆردومانی بەردەوامی فروكە جەنگیەكانی توركیا لە ناوچەكەدا.

گوتیشی:" گوندەكانی مەسیحیەكان لە دەڤەری نەهلە لە قەزای ئاكرێ زۆربەیان كشتوكاڵین بەڵام چەند ساڵێكە بەهۆی ترسی بۆردومانەوە نەیان توانیوە پەرە بە كشتوكاڵی خۆیان بدەن بۆیە بە ناچاری تا ئێستا نزیكەی حەوت گوندی مەسیحی نشین لە دەڤەری نەهلەی قەزای ئاكرێ چۆڵكراون ئەوانەی لەسەر لادیەكانیش ماون هیچ كارێكیان پێ ناكرێت بەهۆی بۆردومانی بەردەوامی فروكە جەنگیەكانی توركیا.

ئەوەشی خستەروو:" بەبیانوی هەبوونی بنكە و بارەگاكانی پەكەكە لە ناوچەكەدا توركیا بەردەوام بۆردومانی دەڤەرەكە دەكات و زیان بە ژێرخانی ئابووری ناوچەكە دەگەینێت كە مەسیحیی نشینن خەڵكی ناوچەكە، بەرێگای حكوومەتی عێراق و لایەنە پەیوەندیدارەكان داوای راگرتنی بۆردومانمان كردووە، بەڵام بە كردار حكوومەتی عێراق نەی توانیوە هیچ لەو بارەیەوە بكات  بە ئەركی خۆی هەڵنەستاوە بوردومان بەردەوامە، ژمارەیەك گۆند تا ئێستا چۆڵكراون.

روونیشكردەوە:" حكوومەتی هەرێمی كوردستان بەردەوام خەمخۆر و پالپشتی ئێمەیە هەمیشە یارمەتی دەربوونە بۆ مەسیحیەكان، بەڵام پێویستە توركیا ئەم بۆردومانە رابگرێت تا مەسیحیەكان دەست بكەن بە ژیانی ئاسایی خۆیان.

زۆرترین بینراو